سەمەي قالاسىنىڭ بالالار ءۇيىنىڭ تاربيەلەنۋشىلەرى فرانسيادا وتكەن «پاري-سەن-جەرمەن» جانە «سەنت-ەتەن» فۋتبول كلۋبتارىنىڭ اراسىندا بولعان جارىس وينىنا قاتىسىپ قايتتى.

14-قىركۇيەك كۇنى  قازاقستاننىڭ جاس فۋتبولشى بالالارى فرانسياداعى ايگىلى «پارك دە پرەنس» ستاديونىندا بولعان «پاري-سەن-جەرمەن» جانە «سەنت-ەتەن» اراسىنداعى تەكەتىرەس ويىننىڭ كورەرمەنى بولدى. ويىن بالالاردىڭ جادىندا  ەستەن كەتپەس اسەر مەن سەزىم قالدىردى. ولار ءوزىن ناعىز فۋتبوليست سەزىنىپ، وتكەن ويىندا كوماندالارعا قولداۋ كورسەتىپ شىنايى فۋتبول اتموسفەراسىن سەزىندى.

ەۋروپانىڭ ەڭ مىقتى كلۋبتارىنا جولداما - بالالار ءۇيىنىڭ تاربيەلەنۋشىلەرى اراسىندا وتكەن «ارمانىڭا جاقىندا» اتتى  فۋتبول چەمپيوناتىنىڭ قاتىسۋشىلارىنىنىڭ باستى سىيى. ايتا كەتسەك بۇل چەمپيوناتتى "سەسنابانك" اق ، "نۇر وتان" پارتياسى مەن قازاقستاننىڭ فۋتبول فەدەراسيسىنىڭ قولداۋىمەن "BAURZHAN" قورى ۇيىمداستىرىپ وتىر. وسىنداي چەمپيوناتتىڭ ارقاسىندا سەمەي بالالار ءۇيىنىڭ تاربيەلەنۋشىلەرى وزدەرىنىڭ ارماندارىن ورىنداپ، ناعىز فۋتبول جۇلدىزدارىمەن تانىسۋ مۇمكىندىگىنە يە بولدى.

سونداي-اق، ساپار بارىسىندا "ارمانىڭا جاقىندا" جەڭىمپازدارى فرانسياداعى قازاقستان ەلشىسى جان عالييەۆپەن دە كەزدەستى. بالالار ساپاردان العان اسەرلەرىمەن جانە وزدەرىنىڭ سپورتتاعى جەتىستىكتەرىمەن بولىسە وتىرىپ، العىستارىن ءبىلدىردى.

ۇيىمداستىرۋشىلاردىڭ ايتۋى بويىنشا، قاتارىنان التى جىل وتكىزىلىپ كەلە جاتقان بۇل چەمپيونات بالالاردىڭ فۋتبولعا دەگەن قىزىعۋشىلىعىن ارتتىرىپ، ولاردىڭ بويىنداعى دارىنىن ارى قاراي دامىتىپ، بولاشاقتا جاڭا جەتىستىكتەرگە قۇلشىندىرادى.

بۇل ساپاردىڭ ماڭىزى جايىندا جوبا ۇيىمداستىرۋشىسى اينۇر سالىمبايەۆا دا ايتىپ ءوتتى:

  - ساپاردىڭ باستى ماقساتى – قامقورسىز قالعان بالالارعا ارى قاراي سپورتپەن اينالىسۋعا دەگەن سەنىم مەن ىنتا بەرۋ. بالالاردىڭ  الەمگە اتى ايگىلى كاسىبي فۋتبولشىلاردىڭ وينىنا قاتىسۋى جاس جەتكىنشەكتەردىڭ ارماندارى ورىندالاتىندىعىنىڭ تاعى ءبىر دالەلى. بالالار ۇيىندە دارىندى بالالار وتە كوپ. ال ءبىزدىڭ مىندەتىمىز ولارعا جاردەمدەسىپ، بولاشاقتا باعىت-باعدار تابۋىنا كومەكتەسۋ. مەن بۇل بالالاردىڭ اراسىنان قازاقستاننىڭ ماقتانىشى مەن باسقالارعا ۇلگى بولاتىنداي سپورتشى شىعاتىنىنا سەنىمدىمىن.

ەسكە سالا كەتسەك، وسى جىلدىڭ ماۋسىم ايىندا الماتى قالاسىندا بالالار ءۇيىنىڭ تاربيەلەنۋشىلەرى اراسىندا «ارمانىڭا جاقىندا» اتتى فۋتبولدان قازاقستان چەمپيوناتى وتكەن بولاتىن. جارىسقا بارلىعى 9 توپ قاتىسىپ، فرانسيادا بولاتىن «پاري-سەن-جەرمەن» كلۋبىنىڭ وينىنا جولداما ءۇشىن ب ا ق سىناسقان بولاتىن.