ساۋل "كانەلو" الۆارەس قازاقستاندىق بوكسشى گەنناديي گولوۆكينمەن جەكپە-جەكتەگى جەڭىسىنەن كەيىن ەكى كۇن وتكەننەن سوڭ الەم چەمپيونى تيتۋلىنان ايىرىلدى دەپ جازادى Qamshy.kz اقپارات اگەنتتىگى Sports.kz سايتىنىڭ دەرەگىن نەگىزگە الىپ.
گولوۆكين الۆارەسپەن جەكپە-جەك كەزىندە جەڭىلىسكە ۇشىراپ، ونىڭ WBA Super، WBC جانە IBO تۇجىرىمدارى بويىنشا الەم چەمپيونى بەلبەۋلەرى قارسىلاسىنا ءوتتى. الايدا ولاردىڭ بارلىعى بىردەي مەكسيكالىق بوكسشىعا بەرىلمەدى.
الۆارەس حالىقارالىق بوكس ۇيىمىنا (IBO) سانكسيالىق جارنانى تولەۋدەن باس تارتقاندىقتان اتالمىش تيتۋل بوس قالدى. "كانەلو" WBA Super، WBC الەم چەمپيونى بەلبەۋىن، WBC ارنايى بەلبەۋى مەن The Ring جۋرنالىنىڭ بەلبەۋىن يەلەندى.
GGG – "كانەلو" ەكىنشى كەزدەسۋىندە گولوۆكين تورەشىلەر شەشىمىمەن جەڭىلىسكە ۇشىرادى. بوكسشىلاردىڭ العاشقى جەكپە-جەگى تەڭ ەسەپپەن اياقتالعان بولاتىن. قازاقستاندىقتىڭ باس باپكەرى ابەل سانچەس كەيىنىرەك ءۇشىنشى جەكپە-جەك 2019 جىلدىڭ 5 مامىرىندا ءوتۋى مۇمكىن ەكەنىن حابارلادى.
