"ەڭبەك ەتسەڭ ەرىنبەي،
كارتوپقا تويادى قارنىڭ تىلەنبەي"-دەپ ستۋدەنت جاستاردىڭ اراسىندا سوڭعى اپتادا "كارتوپ" قىزۋ اڭگىمەگە اينالدى.
ءيا، س.سەيفۋللين اتىنداعى قازاق اگروتەحنيكالىق ۋنيۆەرسيتەتىندە اتا-انا قامقورلىعىنان ايىرىلعان، جاعدايى تومەن وتباسىلاردان شىققان ستۋدەنتتەرگە تەگىن كارتوپ تاراتىلدى! بۇل داستۇرگە اينالىپ كەلە جاتقان ۋنيۆەرسيتەت باسشىلىعىنىڭ ستۋدەنتتەرگە دەگەن الەۋمەتتىك قولداۋى دەپ بىلەمىز. بيىلعى جىلى كارتوپ ەرەكشە مول ءونىم بەردى. ستۋدەنتتەر ريزاشىلىعان بىلدىرە وتىرىپ، قۋانىشتارىن جاسىرا المادى.
اتاپ ايتساق، ءبىلىم وردامىزدىڭ عالىمدارى بىرنەشە جىلدان بەرى باپتاپ، تاجىريبەلىك جاعدايدا ءوسىرىپ كەلگەن ءوزىمىزدىڭ كارتوبىمىز دەپ ءار ستۋدەنت ماقتانا ايتا الادى!
شىندىعىنا كەلگەندە ەلىمىزدىڭ ەشبىر جوو-نى، دالىرەك ايتقاندا، ونىڭ ىشىندە اگرارلىق سالاداعى وقۋ ورىندارى ءوز ۋنيۆەرسيتەتىندە شىعارىلعان ءونىمىن ستۋدەنتتەرگە تەگىن تاراتپاعان. ءبىلىم وردامىزدىڭ بارلىق جاستارىنىڭ اتىنان ۋنيۆەرسيتەت باسشىلىعىنا، پروفەسسور-وقىتۋشىلارىنا شەكسiز العىسىمىزدى بىلدىرەمىز!
اقىلبەك دانابەك ۇلى
