وسكار سىيلىعىنا ۇسىنىلعان «ايكا» ءفيلمى كەرى قايتارىلدى. ق ر مادەنيەت جانە سپورت ءمينيسترى ارىستانبەك مۇحامەدي ۇلى مۇنىڭ سەبەبىن ءتۇسىندىردى، دەپ جازادى Qamshy.kz اقپارات اگەنتتىگى.

ءمينيستردىڭ ايتۋىنشا، «ايكا» كوركەم ءفيلمىنىڭ رەجيسسەرى سەرگەي دۆورسيەۆوي رەسەي ازاماتى ەكەن. الايدا قازاقستاندا تۋىپ وسكەن.

«ءفيلمنىڭ باستى پروديۋسەرلەرىنىڭ ءبىرى – ول قازاقستاننىڭ ازاماتتىعى بار گۇلنار سارسەنوۆا جانە باستى رولدە ويناعان سامال ەسلياموۆا دا قازاقستان ازاماتى. ياعني تۋىندىنى قازاقستاندىكى دەپ ايتا الامىز. دەگەنمەن وسكار سىيلىعىنا ۇسىنعان كەزدە وتپەي قالدى»، - دەدى مۇحامەدي ۇلى.

ال وسكار سىيلىعىنىڭ تالاپتارىنا سايكەس فيلمدەگى اكتەرلەردىڭ 50 پايىزى ءوندىرۋشى ەلدىڭ ازاماتتىعىندا بولۋى ءتيىس. تالاپتاردى سارالاۋ بارىسىندا دۆورسيەۆوي مەن ىلەسپە اكتەرلەردىڭ  قازاقستان ازاماتتارى ەمەس ەكەنى كورسەتىلگەن. وسىعان وراي قازاقستان تاراپىنىڭ وتىنىمىنە قولداۋ جاسالمادى.

ايتا كەتەيىك، "ايكا" الەۋمەتتىك دراماسى قىرعىزستاننان كەلگەن قىز جايىندا، ول ماسكەۋدە بوسانىپ، بالاسىن پەرزەنتحانادا تاستاۋعا ءماجبۇر بولادى، كارتينادا سول قىزدىڭ انالىق سەزىمى مەن قايعى-مۇڭى سۋرەتتەلەدى. فيلم بەس كومپانيانىڭ قولداۋىمەن تۇسىرىلگەن: "كينودۆور" اتتى سەرگەي دۆورسيەۆويدىڭ ستۋدياسى، سونىمەن قاتار، گەرمانيانىڭ، پولشانىڭ، قىتايدىڭ، قازاقستاننىڭ كومپانيالارى. 

باستى ءرولدى سومداعان امال ەسلياموۆا مامىردىڭ اياعىندا وتكەن 71ء-نشى كانن كينوفەستيۆالىندە ۇزدىك اكتريسا اتاندى.