الەۋمەتتىك جەلىدە 2017 جىلعى كوكپاردا قىرعىزداردىڭ قازاقتاردان قالاي جەڭىلگەنى تۋرالى ۆيدەو تاراپ، قىزۋ تالقىعا ءتۇسىپ جاتىر. اتالعان ۆيدەونىڭ ءتۇپنۇسقاسى Youtube جەلىسىندە 2017 جىلى 17 قىركۇيەكتە جاريالانىپتى. دەگەنمەن قىرعىزدار بيىل قىرعىزستاندا وتكەن دۇنيەجۇزىلىك كوشپەندىلەر ويىنى كەزىندە قازاقتاردىڭ وزبەكتەن ماقساتتى تۇردە ەسە جىبەرىپ جەڭىلۋىن وسى ۆيدەو ارقىلى تۇسىندىرۋدە. اتالمىش ۆيدەودان قازاق كوكپارشىلارىنىڭ قىرعىزداردى قالاي قامشىمەن ۇرعانىن كورۋگە بولادى. قازاقتىڭ تانىمال كوكپارشىسى جۇلدىزحان تايىربەكوۆتىڭ "قامشىعا" بەرگەن سۇحباتىندا وسى اڭگىمەنىڭ شەت جاعاسىن بىلايشا تارقاتقان بولاتىن: "قازاقتار وزبەكتەن نە سەبەپتى جەڭىلگەنىن ايتايىن. مەنىڭ باسىمدى كەسسە كەسىپ السىن، قازاقتار قىرعىزعا شىقپاۋدىڭ امالىن جاساۋ ءۇشىن وزبەكتەن جەڭىلدى. ال قىرعىزبەن فينالدا ويناعان كەزدە 30-0 ەسەبىمەن، جەر بولىپ جەڭىلەتىن ەدى. سول ءۇشىن وزبەكتەرگە ەسە جىبەردى. ال قىرعىزدار بىلتىر جەڭىلىسكە ۇشىراعاننان كەيىن بيىل مىقتى ەكەندىگىن دالەلدەۋ ءۇشىن «وسى قازاق كەلىپ قازاق شىقسا، ولارعا ءبىز كوكپاردىڭ نە ەكەنىن كورسەتەمىز»، - دەپ ءبىزدى كۇتكەن بولاتىن". ەندى ءبىر سوزىندە شىندىقتى جار سالۋعا قورىقپاعان قازاق كوكپارشىسى بىلاي دەيدى: "قىرعىزدىڭ شىرىلدايتىنى، اشۋلاناتىنىنداي ءجونى بار. كوكپاردى قازاق بولا ما، وزبەك بولا ما نە قىرعىز بولا ما، ءبارىبىر مۇسىلمان بولعان سوڭ بىرگە دامىتۋىمىز كەرەك. كوكپاردى كاپىرلەر ەمەس، مۇسىلماندار شابادى. ءبىزدىڭ ۇلتتىق قۇندىلىعىمىزعا اينالعان كوكپاردى جوعارى دەڭگەيگە جەتكىزەمىز، الەمدىك وليمپيادا ويىندارىنىڭ قاتارىنا قوسامىز دەپ جۇرگەن كەزدە قىرعىزعا بارسا، قىرعىز، قازاققا بارسا، قازاق جەڭىپ جاتقانى مۇلدەم دۇرىس دۇنيە ەمەس". قىزۋ تالقى تۋدىرعان ۆيدەونىڭ سوڭىندا 2017 جىلى قازاقستاندا وتكەن كوكپار ويىنى تۋرالى ولەڭ جازىلعان. بۇل ولەڭدى Qamshy.kz اقپارات اگەنتتىگى قازاق تىلىنە اۋدارىپ، وقىرمان نازارىنا ۇسىنادى.
ءپىر تۇتىپ ەر سىپاتاي باتىردى،
كوكپار دەسىپ دۇنيە ءجۇزىن شاقىردى.
قازاق تۋعان قوناق توسىپ ەلىنە،
ايلى تۇندە ۇيقىسىز تاڭ اتىردى
قازاق ەلى شەكارادان ارى جاتكاندى،
دۇنيە ەلى بىزدە دەسىپ ماقتاندى.
ال ءبىز جاقتان كوك ءبورىسى قىرعىزدىڭ،
انىق كوكجال جىگىتتەرى اتتاندى.
ءاربىر تاراپ وزدىگىنشە جار سالاد(ى).
ءوز ابىرويىن نامىسپەنەن قالقالاپ.
قازاعىم دا، قىرعىزىم دا جەمىستى،
كەلە جاتتى ەكى جاقتى تالقانداپ.
فينال بولدى، قازاق-قىرعىز بەتتەستى،
نە سەبەپتەن قىرعىزدارعا كەكتەستى.
قازاقتارىم ابىرويىن ءتۇسىرىپ.
سونشالىقتى دەڭگەيگە تۇسپەۋ كەرەك ەدى
كەتتى اتتىڭ كوز جاسى دا تامشىلاپ،
ءىشىم كۇيىپ، ەت جۇرەگىم جانشىلاد(ى).
ۇتىلارىن انىق سەزدى قازاعىم،
باستادى ولار قىرعىزداردى قامشىلاپ.
كەيىن ولار ءبىرىنشى ورىن الىستى،
ءويتۇپ-بۇيتىپ ءتورت مۋلياجدى سالىستى.
ەسكە الماي اقيقاتتى وزدەرىن،
جەردەگى جوق باتىر سەزىپ قالىستى.
بەردى قىرعىز بۇل ويىندا كەزەكتى،
كوشپەندىلەردە حايۋان تەردى تەزەكتى.
ءجا، باۋىرىم، ۇمىتتىڭ با الگىندە،
ون بەس پەن ۇشكە تەڭەپ قويعان ەسەپتى.
بىزگە جەتەدى ەر ماناستىڭ باتاسى،
شەشىپ قويدى بۇل ولاردىڭ قاتەسى.
ءبىز عانا ەمەس، بۇكىل دۇنيە ايتۋدا،
قىرعىزدار دەپ كوك ءبورىنىڭ اتاسى.
پىكىر قالدىرۋ