الماتىدا پسيحياتريالىق اۋرۋحانادان قاشىپ كەتكەن 3 ءجاسوسپىرىم ىزدەستىرىلۋدە. ولار وسىدان ەكى كۇن بۇرىن اۋرۋحانانىڭ قورشاۋىنان سەكىرىپ ىزدەرىن سۋىتقان، - دەپ حابارلايدى Qamshy.kz اقپارات اگەنتتىگى كتك ارناسىنىڭ دەرەگىن نەگىزگە الىپ.

كەشكى ساعات 17:00 شاماسىندا 13-16 جاستاعى قىزدار مەن 15 جاستاعى بوزبالانىڭ ەمىن-ەركىن ەمدەۋ مەكەمەسىنىڭ اۋماعىنان شىعىپ بارا جاتقانى باقىلاۋ كامەرالارىنا ءتۇسىپ قالىپتى. درومومانيا اۋرۋىنا شالدىققان جەتكىنشەكتەردى اتا-انالارى اتالمىش ورتالىققا جاتقىزىپ كەتكەن. دارىگەرلەر بۇل اۋرۋ تۇرىمەن اۋىراتىندار كەزبەلىككە بەيىم كەلەتىنىن جانە ەلەستەر مازالايتىنىن ايتادى. ال ولاردىڭ اۋرۋحاناعا جاتقىزىلعانىنا ءبىر اپتا دا بولماعان. ءقازىر پوليسيا جاسوسپىرىمدەردى ىزدەستىرىپ جاتىر.

"ءبىزدىڭ ورتالىققا كەلەتىن ناۋقاستاردى كۇشتەپ، قاماپ ۇستامايمىز. اركىم ءوز ەركىمەن ەم الۋعا كەلەدى. الايدا بۇل جاسوسپىرىمدەر ناۋقاس بولعاندىقتان، ولاردى تەك اتا-انالارىنىڭ رۇقساتىمەن عانا شىعارامىز. سوندىقتان ولاردى ىزدەپ تابۋعا ءبىز دە مىندەتتىمىز"، - دەيدى رەسپۋبليكالىق پسيحيكالىق دەنساۋلىق عىلىمي-پراكتيكالىق ورتالىعى باس ديرەكتورىنىڭ ورىنباسارى قۋانىش التىنبەكوۆ.