ۆەتنام پرەزيدەنتى چان داي كۋانگتىڭ 21 قىركۇيەكتە 61 جاسىندا اۋىر سىرقاتتان قايتىس بولدى دەپ جازادى Qamshy.kz اقپارات اگەنتتىگى. رەسمي دەرەكتەرگە سۇيەنسەك، چان داي كۋانگ حانويداعى ورتالىق اسكەري اۋرۋحانادا كوز جۇمعان.
ەسكە سالساق، چان داي كۋانگ 2016 جىلى ساۋىردە ەلدەگى ەڭ جوعارعى زاڭ شىعارۋ ورگانى - ۇلتتىق جيىن دەپۋتاتتارىنىڭ 90 پايىز داۋسىن يەلەنىپ، پرەزيدەنت بولعان. ول بۇعان دەيىن قوعامدىق قاۋىپسىزدىك ءمينيسترى قىزمەتىن اتقارىپتى.
ول مينيستر بولىپ تۇرعان كەزدە ۆەتنامدىق ساياسي بەلسەندىلەر مەن حالىقارالىق قۇقىق قورعاۋ ۇيىمدارى وپپوزيسيا وكىلدەرىنىڭ قۋدالانعانىنا بايلانىستى قوعامدىق قاۋىپسىزدىك مينيسترلىگىن بىرنەشە رەت سىناعان.
