لوندونداعى «ۋەمبلي» ارەناسىندا اسا اۋىر سالماقتاعى الەم چەمپيونى ەنتوني دجوشۋا مەن WBA Regular نۇسقاسى بويىنشا الەمنىڭ بۇرىنعى چەمپيونى الەكساندر پوۆەتكين اراسىندا كاسىپقوي بوكس كەشى ءوتتى، دەپ حابارلايدى Qamshy.kz اقپارات اگەنتتىگى شەتەلدىك باق-قا سىلتەمە جاساپ. 

كاسىپقوي بوكستان اسا اۋىر سالماقتاعى الەم چەمپيونى، WBA (Super)، WBO، IBF جانە IBO چەمپيوندىق بەلبەۋلەرىنىڭ يەسى بريتاندىق ەنتوني دجوشۋا رەسەيلىك الەكساندر پوۆەتكيندى نوكاۋتپەن جەڭىپ، ءوزىنىڭ ءتورت تيتۋلىن دا ءساتتى قورعادى.

اتالمىش كەزدەسۋدىڭ العاشقى بولىمىندە بوكسشىلار تەڭ كەلە جاتقان، الايدا پوۆەتكين قارسىلاسىن العاشقى راۋندتىڭ سوڭىندا اجەپتاۋىر قالجىراتىپ تاستادى. رەسەيلىك قاشىقتىقتى ۇدايى قىسقارتۋعا تىرىسىپ، ءبۇيىر جاقتان سوققى جاساۋعا ارەكەت جاسادى. ال دجوشۋا رەسەيلىك بوكسشىمەن بەتپە-بەت كەلۋگە تىرىستى. جەتىنشى راۋندتا دجوشۋا بەلسەندىلىك تانىتىپ، شابۋىلدى ۇدەتە ءتۇستى جانە قاتارىنان بىرنەشە سوققىسىن دارىتىپ ۇلگەردى. ناتيجەسىندە رەسەيلىك نوكداۋنعا ءتۇسىپ، ازەر دەگەندە ەسىن جيدى. دجوشۋا بولسا شابۋىلىن ودان سايىن كۇشەيتە ءتۇسىپ، پوۆەتكيننىڭ قورعانۋعا شاماسى كەلمەي قالدى. تورەشى سايىستى توقتاتۋعا ءماجبۇر بولدى.