جارتىلاي اۋىر سالماقتا WBO چەمپيونى كولۋمبيالىق ەلەيدەر الۆارەس (24-0، 12 كو) قازاقستاندىق گەنناديي گولوۆكين (38-1-1، 34 كو) جانە مەكسيكالىق ساۋل "كانەلو" الۆارەس (50-1-2، 34 كو) اراسىنداعى قارىمتاعا قاتىستى اسەرىمەن ءبولىستى. بۇل تۋرالى vesti.kz حابارلايدى.

بوكسشىلاردىڭ WBC، WBA (Super) جانە IBO بەلبەۋى ءۇشىن ەكىنشى جەكپە-جەگى 15 قىركۇيەكتە لاس-ۆەگاستاعى T-Mobile ارەناسىندا وتكەن بولاتىن. 12 راۋندقا سوزىلعان قارىمتادا تورەشىلەر شەشىمىمەن "كانەلو" جەڭىسكە جەتتى. ال قازاقستاندىق بوكسشى ءۇشىن بۇل العاشقى جەڭىلىس بولدى. 

"بۇل جولى "كانەلو" جاقسى جۇدىرىقتاستى، ويتكەنى ۇنەمى العا ءجۇردى. الايدا گولوۆكين اۋىر سوققىلار كوبىرەك جاسادى، مىنە كىمدى جەڭىمپاز دەپ مويىندايمىن. دەگەنمەن بوكستا مۇنداي جاعدايلار بوپ تۇرادى"، - دەپ كەلتىرەدى الۆارەستىڭ ءسوزىن BoxingScene.com.

ايتا كەتەيىك، 28 جاستاعى مەكسيكالىق «كانەلو» الۆارەس 36 جاستاعى قازاقستاندىق گەنناديي گولوۆكيندى جەڭدى. GGG كاسىپقوي بوكستا ومىرىندە العاش رەت جەڭىلدى. وسىلايشا گولوۆكيننىڭ تيتۋلدارىنىڭ ءبارىن «كانەلو» الدى. گەنناديي گولوۆكين وسىعان دەيىن 39 جەكپە-جەك وتكىزىپ بىرەۋىندە عانا تەڭ تۇسكەن بولاتىن. ال  ساۋل الۆارەس بولسا 52 كەزدەسۋىنىڭ ەكەۋىندە تەڭ ءتۇسىپ، فلود مەيۆەزەرگە ەسە جىبەرگەن.