جومارت ەرتايەۆتىڭ ىسىنە قاتىستى كۇدىكتى دەپ تانىلعان تاتيانا پاكتىڭ جۇبايى ەۆگەنيي پاك ءوزىنىڭ وتباسىنا جومارت ەرتايەۆتىڭ قىسىم جاساپ، قورقىتقانىن ايتتى. بۇل جايىندا Qamshy.kz اقپارات اگەنتتىگى حابارلايدى.

100% اكسياسى «الما تۆ» كومپانياسىنا تيەسىلى «اسسەت ينۆەست» كومپانياسىنىڭ باسشىسى ەۆگەنيي پاك بۇگىن الماتىدا تىلشىلەرمەن باسپا ءسوز كونفەرەنسياسىن وتكىزىپ، وتباسىنا جاسالعان قىسىم جايىندا ايتىپ بەردى.

«2017 جىلدىڭ  قىركۇيەگىندە جومارت ەرتايەۆ مەنىڭ ۇيىمە ءوزىنىڭ قاۋىپسىزدىك قىزمەتىنەن ەكى ادامدى جىبەرىپ، تۋىستارىم مەن وتباسىمنىڭ، بالالارىمنىڭ كوزىنشە ماعان قوقان-لوقى كورسەتىپ، وتباسىڭمەن بىرگە باۋىزداپ تاستايمىن دەپ قورقىتقان بولاتىن. مەنىڭ ۇيالى تەلەفونىمدا جومارت ەرتايەۆپەن سويلەسكەن سم-حابارلامالاردىڭ بار ەكەنىن ءبىلىپ، ونى ۇرلاپ كەتتى. ول حابارلامالار قۇقىق قورعاۋ قىزمەتكەرلەرىنىڭ قولىنا تۇسەدى دەپ قورىققان بولار. سول ءۇشىن دە ەكى ادامىن جىبەرىپ، ءۇيىمىزدىڭ بەرەكەسىن قاشىردى. ۇيدە 11 جانە 12 جاستاعى ەكى بالام بولاتىن»، - دەپ ايتتى ەۆگەنيي پاك. ول بۇل جاعداي بويىنشا پوليسياعا بارىپ ارىز جازعانىن ايتتى.

ونىڭ ايتۋىنشا، 2017 جىلدىڭ قىركۇيەگىندە ەرتايەۆ وعان ءوزىنىڭ كومپانياسىن جۇبايىنىڭ اتىنا اۋىستىرۋ تۋرالى ءوتىنىش جاساعان ەكەن.

«مەن ول كەزدە ماسكەۋدە بولدىم، ال ايەلىم الماتىدا تۇراتىن. رەسمي تۇردە «الما تۆ» كومپانياسىنىڭ باسشىسى جومارت ەرتايەۆ بولىپ تابىلادى. بۇل وتىنىشىندە ەشقانداي دا كۇدىكتى نارسەنى بايقاماعاندىقتان كەلىستىم. الايدا كەلىسىمشارت بولعاننان كەيىن بۇل كومپانيانىڭ ربك بانكىنە 30 ميللياردتان اسا قوماقتى قارىزى بار ەكەنى بەلگىلى بولدى. ەرتايەۆ ونى نەسيە رەتىندە العان ەكەن. ايەلىمدى قۇزىرلى ورگاندار تۇسىنىكتەمە بەرۋگە ءجيى شاقىراتىن بولىپ كەتتى. ەرتايەۆ قامقورلىق تانىتقان بولىپ، مەنىڭ ايەلىمە قورعاۋشى جالداپ بەردى. جومارت ەرتايەۆ پەن ونىڭ جالداعان ادۆوكاتى تۇسىنىكتەمە بەرگەندە بار شىندىقتى ايتپاۋعا كوندىردى. ويتكەن جاعدايدا جۇبايىم تاتيانانىڭ ۇستىنەن قىلمىستىق ءىس قوزعالماق ەكەن. ول كومپانيانى ءبولىپ تولەۋ شارتى بويىنشا ساتىپ الدىم دەپ ايتۋى كەرەك بولاتىن. تۇسىنىكتەمە بەرگەننەن كەيىن تەرگەۋشىلەر جۇبايىمدى قاماۋعا الىپ كەتتى. تاتيانا تەرگەۋ اباقتاسىندا التى اي قاماۋدا جاتتى. جومارت ەرتايەۆ قۇزىرلى ورگانداردىڭ ىس-ارەكەتتەرى زاڭسىز بولدى دەپ سەندىردى. ول بىزگە كومەكتەسە المادى. سونىمەن قاتار، باق-تا تاتيانانىڭ اتىنان ەلباسىنىڭ اتىنا باعىتتالعان حات جاريالانعان بولاتىن، الايدا بۇل حات تۋرالى مەنىڭ جۇبايىم بىلمەدى دە»، - دەيدى ەۆگەنيي پاك.

ونىڭ ايتۋىنشا، ەرتايەۆ ونىڭ ايەلىن قورعاۋدى مۇلدە ويلاماعان دا. ماسكەۋدە ءجۇرىپ ءجابىر كورگەن ادام سەكىلدى كەيىپ تانىتىپتى.

«ەرتايەۆ ءوزىنىڭ كىناسىن مويىنداپ، جاۋاپكەرشىلىكتى ءوز موينىنا الۋعا باتىلى جەتپەدى، ول مەنىڭ ايەلىمنىڭ ارتىنا تىعىلىپ، زاڭدى تۇردە جاۋاپ بەرۋدەن باسىن الىپ قاشتى. ونىڭ بۇل قىلىعىن بايقاعان ساتتە قازاقستانعا ورالۋدى ويلادىم. جولعا شىقپاس بۇرىن ەرتايەۆقا قازاقستانعا بارىپ، تۇسىنىكتەمە بەرەتىنىمدى ايتقان ەدىم. ول مەنى بىلاي دا بىلاي كوندىرۋگە تىرىستى. ماسكەۋگە ورالعان بويدا قاماۋعا الىنىپ، قىسىم كورەتىنىمدى ايتىپ قورقىتا باستادى»، - دەپ كۇيىنەدى ول.

سونىمەن قاتار، ەۆگەنيي پاك وزىنە قىسىم جاسالىپ، امالدىڭ جوعىنان ەرتايەۆقا "قارسى تۇسىنىكتەمە بەرمەيمىن" دەگەن قۇجاتتارعا قول قويدىرىپ العانىن ايتتى. ول قۇجاتتا جازىلعانداردىڭ ءبارى دە نەگىزسىز ەكەنىن، سەبەبى ونى قىسىم كورسەتىپ، كۇشتەپ قويدىرىپ العانىن جەتكىزدى.

ەۆگەنيي پاكتىڭ سوزىنشە، جومارت ەرتايەۆ ءقازىر ماسكەۋدە ءۇي قاماقتا وتىر جانە وعان تەلەفون قولدانۋعا تىيىم سالىنعان. الايدا بۇل تىيىمعا قاراماستان ەرتايەۆ ينتەرنەت پەن تەلەفوندى ەمىن-ەركىن قولدانىپ جۇرگەن كورىنەدى. Whatsapp جەلىسىندە ءتۇرلى توپتار اشىپ، ونى ەكستراديسيالاۋ مەن قىلمىستىق قۋدالاۋىنا بايلانىستى پىكىرتالاستار ۇيىمداستىرادى ەكەن.

ەۆگەنيي پاك بۇرىندارى جومارت ەرتايەۆپەن دوستىق قارىم-قاتىناستا بولعانىن ايتتى. سونىمەن قاتار، ولار 2009 جىلى الماتىداعى تەرگەۋ اباقتىسىندا تانىسقاندىعىن دا ايتىپ ءوتتى. اباقتىدا جومارت ەرتايەۆ اليانس بانكتىڭ قارجىسىن ۇرلادى دەگەن ايىپپەن وتىرسا، ەۆگەنيي پاك جالعان بيزنەسكە ايىپتالعان ەكەن.

تاتيانا پاكتىڭ جۇبايى ءوزىنىڭ جومارت ەرتايەۆپەن سويلەسكەن حابارلامالارىنىڭ سكرينشوتتارىن دا كورسەتتى.

ەستەرىڭىزگە سالا كەتەيىك، جومارت ەرتايەۆ اعىمداعى جىلدىڭ ناۋرىز ايىندا ماسكەۋدە قولعا تۇسكەن بولاتىن. كەيىنىرەك ونى ءۇي قاماققا ورنالاستىرعان.

ايتا كەتەتىنى، ەرتايەۆقا قوماقتى قارجىنى جىمقىردى دەگەن ايىپپەن حالىقارالىق ىزدەۋ جاريالانعان جانە دە ونى رەسەيدە تۇرۋ قۇقىعىنان ايىرعان بولاتىن. جومارت ەرتايەۆتى قىلمىستىق قۋدالاۋ ءىسى ءالى دە جالعاسۋدا.