امەريكالىق پروكۋرورلار نيۋ-يوركتە تەررورلىق شابۋىل جاسادى دەپ ايىپتالعان 30 جاستاعى وزبەكستان ازاماتى سايفۋللو سايپوۆتى ءولىم جازاسىنا كەسۋدى سۇرادى دەپ حابارلايدى Qamshy.kz اقپارات اگەنتتىگى شەتەلدىك باق-تىڭ دەرەگىن نەگىزگە الىپ.
ايىپتاۋشىلار ەگەر سايپوۆتىڭ كىناسى تولىعىمەن دالەلدەنسە، ءولىم جازاسى ءادىل ۇكىم بولادى دەپ ەسەپتەيدى.
ەسكە سالساق، 2017 جىلى قازان ايىندا سايفۋللو سايپوۆ ۆەلوسيپەد جۇرەتىن جولدا ءبىر توپ ادامدى جالعا العان جۇك كولىگىمەن قاعىپ وتكەن. سەگىز ادام قازا تاۋىپ، 12 ادام زارداپ شەكتى. پوليسيا بۇل وقيعانى تەراكت دەپ اتادى.
ءسايپوۆتى ۇستاعان كەزدە، ودان "شابۋىلدى "يسلام مەملەكەتى" تەررورلىق ۇيىمىنىڭ اتىنان جاسادىم" دەگەن حات تابىلعان. بۇل ۇيىم تەررورلىق ارەكەتتى ءبىز جاسادىق دەپ مويىندارىنا العان.
اقش پرەزيدەنتى دونالد ترامپ تا سايفۋللو سايپوۆتى ءولىم جازاسىنا كەسۋدى تالاپ ەتكەن.
سايپوۆ اقش-قا 2010 جىلى گرين-كارتاسىن ۇتىپ الىپ بارعان. بۇل ەلدە ونىڭ ءۇش بالاسى مەن ايەلى تۇرىپ جاتىر.
