بۇل باستاما وقۋشىلار ورتالىعىندا «نۇر وتان» پارتياسىنىڭ باستاماسىمەن IT-سىنىپ اشىلدى.
وبلىستىق «نۇر وتان» پارتياسىنىڭ باسپا ءسوز حاتشىسى ەلميرا تۇڭعاتاروۆانىڭ ايتۋىنشا، بالالارعا ارنالعان تەگىن ءىت-سىنىپتارىن ىسكە قوسۋ ءۇشىن نەگىزگى وقىتۋ باعدارلاماسى رەتىندە بريتاندىق «Love to code» باعدارلامالاسىنىڭ حالىقارالىق ءبىلىم فرانشيزاسىن پايدالانۋدا. ءار سىنىپتا ءدارىس بەرەتىن مۇعالىمدەر بولادى. ولار ح.دوسمۇحامەدوۆ اتىنداعى اتىراۋ مەملەكەتتىك ۋنيۆەرسيتەتىنىڭ بازاسىندا اشىلعان «ءىت-ماماندارىن دايارلاۋ ورتالىعىندا» ارنايى دايىندىقتان وتكەن.
- «نۇر وتان» پارتياسىنىڭ باستاماسىمەن بالالار ءۇشىن IT-سىنىپتىڭ اشىلۋى ەلدىڭ باس پارتياسىنىڭ ەرەكشە قامقورلىعى دەپ بىلەمىن. بۇل زامان تالابىنا ساي اشىلعان ارنايى سىنىپتا 8 جاستان 16 جاسقا دەيىن بالالار وقىتىلادى. ءقازىر ارنايى كەستە جاساقتادىق. 6 توپتا 12 بالادان وقىتىلادى»، - دەيدى وقۋشىلار ورتالىعىنىڭ ديرەكتورى ايزادا تۇسىپقالييەۆا.
ايتا كەتەيىك، «سيفرلىق قازاقستان» مەملەكەتتىك باعدارلاماسىن جۇزەگە اسىرۋ ماقساتىندا قولعا الىنعان جوبا اياسىندا اتىراۋ وبلىسىندا بيىل 10 ءىت-سىنىپ اشىلدى.
