مەرەكەلىك شارا 1000-عا جۋىق كورەرمەن جينادى. 
كەشە اتىراۋ xالقى العاش ق ر مەملەكەتتىك كۇزەت قىزمەتى پرەزيدەنتتىك وركەسترىنىڭ مۋزىكالىق باعدارلاماسىنا كۋا بولدى. شارا رەسپۋبليكالىق كونكۋرستار لاۋرەاتتارىنىڭ ورىنداۋىندا 16 اننەن تۇراتىن مۋزىكالىق باعدارلامانى ۇسىندى. اتالمىش باعدارلاما "كەڭ دالام"، "مەنىڭ جەرىم، مەنىڭ ەلىم"، "ەلباسى"، "ۇلى دالا" ت.س.س اندەردەن قۇرالعان. 
شارا سوڭىندا ءسوز العان وبىلىس اكىمى نۇرلان نوعايەۆ استانادان كەلگەن بارشا دەلەگاسياعا وبلىس اتىنان العىسىن ءبىلدىردى.
-مەن ءوز تاراپىمنان ق ر پرەزيدەنتىنىڭ كەڭسە باسشىسى ماحمۇد بازارقۇلۇلىنا، كىتاپحانا ۇجىمىنا، پرەزيدەنت وركەسترىنىڭ باسشىلىعىنا، ۇجىمىنا ەلگە قوش كەلدىڭىز دەي وتىرىپ، ارقالاپ كەلگەن ىستىق ىقىلاستارىڭىزدى اتىراۋلىقتار جىلى قابىلدادى دەپ سەنىم بىلدىرەمىن. كورمە اياسىندا پرەزيدەنت وركەسترىنىڭ تاماشا مۋزىكالىق كەشىن تاماشالادىق. اتىراۋلىقتار اتىنان ۇلكەن ريزاشىلىعىمدى بىلدىرەمىن. پرەزيدەنت وركەسترى وزگە مەملەكەت، الەمدىك دەرجاۆالار باسشىلارى كەلگەندە ءوز ونەرلەرىن كورسەتەدى. ەلباسى نۇسقاۋىمەن وركەستردىڭ ءبىزدىڭ جەرىمىزگە كەلىپ ونەر كورسەتۋى ۇلكەن ابىروي. بارشاڭىزدى كورمەنى تاماشالاۋعا شاقىرامىن. كورمەدە بۇرىن-سوڭدى بولماعان اقپاراتتارمەن تانىسىپ، ەلباسىنىڭ ەلگە، جەرگە دەگەن نيەتىنەن تۋىنداعان يگى ىستەرى تۋرالى ماعلۇمات الا الاسىز،-دەدى ءوڭىر باسشىسى.
ايتا كەتەيىك، كەشە 18 قىركۇيەك كۇنى اتىراۋدا " ن.نازاربايەۆ: ءداۋىر، تۇلعا، قوعام" ەلباسىنىڭ كوشپەلى قور كورمەسىنىڭ اشىلۋ سالتاناتى ءوتتى. كورمەنى ش.سارييەۆ اتىنداعى وبلىستىق مۇراجايدا 2 اي كولەمىندە تەگىن تاماشالاۋعا بولادى.