اتىراۋدا «نازاربايەۆ مودەلى: ستراتەگيالىق جوسپارلاۋ جانە پراگماتيزم» حالىقارالىق عىلىمي-تاجىريبەلىك كونفەرەنسياسى ءوتتى. كونفەرەنسياعا 5 مەملەكەتتەن ستۋدەنتتەر قاتىستى.
بۇگىن، 19 قىركۇيەك كۇنى اتىراۋدا وبلىس اكىمدىگىنىڭ قولداۋىمەن ح.دوسمۇحامەدوۆ اتىنداعى اتىراۋ مەملەكەتتىك ۋنيۆەرسيتەتىندە «ن.نازاربايەۆ: ءداۋىر،تۇلعا، قوعام» ەلباسىنىڭ كوشپەلى قور كورمەسى جوباسى اياسىندا حالىقارالىق كونفەرەنسيا ءوتتى.. 
ءىس-شارانىڭ مودەراتورى ق ر تۇڭعىش پرەزيدەنتى – ەلباسى كىتاپحاناسى ديرەكتورىنىڭ ءبىرىنشى ورىنباسارى، ساياسي عىلىمدارىنىڭ دوكتورى، پروفەسسور ءامىرحان راحىمجانوۆ ءوز سوزىندە قازاقستاننىڭ وتكەنى مەن بۇگىنىنە توقتالىپ ءوتتى.
-شارانىڭ باستى ماقساتى – ەلباسىنىڭ ىشكى، سىرتقى ساياساتتاعى جەتكەن جەتىستىكتەرىن، العىشارتتارىن، ەلدىڭ دامۋ جولىن كورسەتۋ. ق ر دامۋىنا ەلدەگى بارلىق ايماقتار ءوز ۇلەستەرىن قوسىپ وتىر. سونىڭ ىشىندە وسى شارانى اتىراۋ وبلىسىندا وتكىزۋدىڭ وزىندىك ماڭىزى بار. تاريحى باي قازىنالى اتىراۋ ءىرى وتاندىق جانە شەت ەلدىك قور شوعىرلانعان ۇلكەن مەكەنگە اينالىپ وتىر. ءوز كەزەگىندە ەل دامۋىنا ات سالىسقان بارلىق اتىراۋلىقتارعا، وبلىس باسشىسىنا ريزاشىلىعىمدى بىلدىرەمىن ، – دەدى ءامىرحان راحىمجانوۆ.
كونفەرەنسيادا تۇركيا، يران، وزبەكستان، رەسەي جانە قىتايدان كەلگەن ستۋدەنتتەر ەلباسىنىڭ ىشكى-سىرتقى ساياساتى، باستامالارى، قازاق ەلىنىڭ تاۋەلسىزدىكتەن كەيىنگى جاڭا تاريحى تۋرالى بايانداما جاسادى. جيىنعا قاتىسقان وبلىس اكىمى ەلباسى جۇرگىزگەن ساياساتتىڭ قازاقستاننىڭ دامۋىنداعى باستى قوزعاۋشى كۇش ەكەنىن ايتىپ ءوتتى. 
- الەمدىك ساياساتتا وزىندىك ورنى بار قازاقستان جولىندا بار كۇش-جىگەرىن سالعان ن.نازاربايەۆتىڭ ەلەۋلى ەڭبەگىن بۇگىنگى تاڭدا بۇكىل الەم مويىنداپ وتىر.تاريح قويناۋىنان ۇزاق جىلدار بويى تولعاتىپ،ەلگە باعدار بەرگەن ەلباسىنىڭ سىندارلى ساياساتى ارقاسىندا بۇگىندە قازاق ەلى بەيبىت ءومىر سۇرۋدە. بۇگىنگى شارامىز سونىڭ ءبىر دالەلى،- دەيدى نۇرلان نوعايەۆ. - ءبىز پرەزيدەنتتىڭ تاۋەلسىز قازاقستانعا اتقارعان ءىسىنىڭ ولشەۋسىز ەكەنىن ءتۇسىنۋىمىز قاجەت جانە اينالامىزعا ايتا ءجۇرۋىمىز كەرەك.
«ن.نازاربايەۆ: ءداۋىر،تۇلعا، قوعام» ەلباسىنىڭ كوشپەلى قور كورمەسى جوباسى اياسىندا وبلىس اۋداندارىندا دا تالقىلاۋلار مەن باسقوسۋلار ۇيىمداستىرىلادى. 
ايتا كەتەيىك، كەشە 18 قىركۇيەك كۇنى اتىراۋدا " ن.نازاربايەۆ: ءداۋىر، تۇلعا، قوعام" ەلباسىنىڭ كوشپەلى قور كورمەسىنىڭ اشىلۋ سالتاناتى ءوتتى. كورمەنى ش.سارييەۆ اتىنداعى وبلىستىق مۇراجايدا 2 اي كولەمىندە تەگىن تاماشالاۋعا بولادى.