الىمۇحاممەد قۇتتىمۇرات ۇلى بيزنەس ورتالىعىنىڭ وكىلدەرىنە وبلىس ورتالىعىندا جۇزەگە اسىرىلىپ جاتقان جوبالار تۋرالى ايتىپ بەردى.
اتىراۋدا قالا اكىمى الىمۇحاممەد قۇتتىمۇرات ۇلىنىڭ كاسىپكەرلەرمەن كەزدەسۋى ءوتتى. ءىس-شارا «سۇراق-جاۋاپ» فورماتىندا ءوتتى، وعان وبلىس ورتالىعىنىڭ 200-گە جۋىق كاسىپكەرى قاتىستى. 
اتىراۋ قالاسىنىڭ اكىمىنە 20-عا جۋىق سۇراق قويىلدى، ولاردىڭ باسىم بولىگى كاسىپكەرلىك نىساندارىن سالۋعا جەر تەلىمدەرىن ءبولۋ، ينفراقۇرىلىم وتكىزۋ، مونوپوليستەرگە قاتىستى ماسەلەلەردى شەشۋ بولدى.
قاتىسۋشىلاردىڭ سۇراقتارىنا جاۋاپ بەرىپ قالا اكىمى الىمۇحاممەد قۇتتىمۇرات ۇلى كاسىپكەرلەرگە اتىراۋ قالاسىنىڭ دامۋى مەن وركەندەۋىنە ۇلەس قوسۋدى ءوتىندى.
-بۇگىنگى تاڭدا قالا 150 ملرد تەڭگەگە جۋىق جوبالاردى جۇزەگە اسىرۋدا. بارلىق جوبالار قالا ءۇشىن وتە ماڭىزدى. جەرگىلىكتى بيۋدجەتتەن ولاردى جۇزەگە اسىرۋ ءۇشىن قاراجات جەتىسپەيتىنىن تۇسىنەمىز، سوندىقتان كاسىپكەرلەردى قالانىڭ دامۋىنا ۇلەس قوسۋعا جانە قالانى جاقسارتۋعا كومەكتەسۋگە شاقىرامىز.
مىسالى، وتكەن جىلى كاسىپكەرلەر كوپتەگەن سپورت الاڭدارىن سالعان. اقتوبەنىڭ كاسىپكەرلەرى 1 ملرد. تەڭگەدەن استام سوماعا وبەكتىلەر سالعان. قۇلسارى قالاسىندا جەرگىلىكتى كاسىپكەرلەردىڭ ءبىرى 800 ميلليون تەڭگەگە بالاباقشا سالىپ، ونى قالاعا سىيعا بەردى. بيىلعى جىلى بيزنەستىڭ وكىلدەرى ءبىزدىڭ اتىراۋدى جاقسارتۋعا كومەكتەسكەنىن قالايمىن، - دەپ الىمۇحاممەد قۇتتىمۇرات ۇلى كاسىپكەرلەرگە ءوتىنىش ءبىلدىردى.

قالا اكىمىنىڭ ايتۋىنشا، كاسىپكەرلەر قازىرگى تاڭدا ەلىمىزدە كوپتەگەن جۇزەگە اسىپ جاتقان باعدارلامالارعا دەمەۋشى مەن قايىرىمدىلىق كومەكشى بولىپ بەلسەندى قاتىسا الادى - "تۋعان جەرگە تاعزىم"، «جومارت جۇرەك». مەملەكەت باسشىمىزدىڭ "بولاشاققا باعدار: رۋحاني جاڭعىرۋ" باعدارلاماسىنىڭ ماقالاسىن جۇزەگە اسىرۋ اياسىندا قالانىڭ دامۋىنا ەلەۋلى ۇلەس قوسۋعا مۇمكىندىك بار.
- سىزدەردىڭ ءارقايسىڭىزدىڭ بيزنەس-قۇرىلىمدارىڭىز بار، ەگەر ءسىز ولاردى ءوسىرىپ، اعاشتار وتىرعىزساڭىز، ولارعا قامقورلىق جاساساڭىز، بۇل قالانىڭ دامۋى مەن گۇلدەنۋىنە باعا جەتپەس ۇلەس بولادى. 
يا، ءبىز ايىپپۇل سالا الامىز، ءبىراق ءبىز ءسىزدىڭ ساناڭىزعا ءۇمىت ارتىپ، مۇنى ىستەگىمىز كەلمەيدى. ءوز تاراپىمىزدان ءبىز تەحنولوگيا مەن كوشەتتەرگە كومەكتەسۋگە دايىنبىز، - دەدى قالا اكىمى كاسىپكەرلەرگە.
الىمۇحاممەد قۇتتىمۇرات ۇلىنىڭ ايتۋىنشا، 2019 جىلى وبلىس ورتالىعىندا 100 تۇرعىن ءۇيدى جابدىقتاۋ جوسپارلانىپ وتىر. قازىرگى ۋاقىتتا جاڭا جوبانىڭ تۇجىرىمداماسى ازىرلەنۋدە، ونى جۇزەگە اسىرۋ بارىسىندا كاسىپكەرلەر بەلسەندى قاتىسا الادى.