اتىراۋ وڭىرىنە جۇمىس ساپارى اياسىندا «نۇر وتان» پارتياسى ءتوراعاسىنىڭ ءبىرىنشى ورىنباسارى ماۋلەن اشىمبايەۆ ساياسي ۇيىمنىڭ جەرگىلىكتى اكتيۆىمەن كەزدەستى. «رۋحاني جاڭعىرۋ»، «پرەزيدەنتتىڭ بەس الەۋمەتتىك باستاماسى»، «سيفرلى قازاقستان» باعدارلامالارىنىڭ مۇنايلى وڭىردە جۇزەگە اسىرىلۋ بارىسى تالقىلانعان جيىندا ماۋلەن اشىمبايەۆ پارتيانىڭ الدىندا جاڭا مىندەتتەر تۇرعانىن اتاپ ايتتى.
ەلباسى تاپسىرماسىنا سايكەس، «نۇر وتان» پارتياسى تاراپىنان «پرەزيدەنتتىڭ بەس الەۋمەتتىك باستاماسىن» ىسكە اسىرۋعا قوعامدىق باقىلاۋدى ۇيىمداستىرۋ ماقساتىندا ورتالىق جانە وڭىرلىك دەڭگەيدە قوعامدىق كەڭەستەر قۇرىلعان بولاتىن. قوعامدىق كەڭەستىڭ قۇرامىندا جەتەكشى ساياسي پارتيالاردىڭ، قازاقستان حالقى اسسامبلەياسىنىڭ، قازاقستان كاسىپوداقتار فەدەراسياسىنىڭ، «اتامەكەن» ۇلتتىق كاسىپكەرلەرىنىڭ جانە وڭىرلىك پالاتالارىنىڭ، ءۇشىنشى سەكتور وكىلدەرى، تانىمال بلوگەرلەر، سالالىق ساراپشىلار مەن عالىمدار بار. بۇل پارتيانىڭ جاڭاشا فورماتتى قولعا العانىن كورسەتەدى. ەندەشە، پارتيا مۇشەلەرى قانداي مىندەتتەر جولىندا بىرىگۋى ءتيىس؟
بىرىنشىدەن، پارتيا قازىرگى كەزەڭدەگى ستراتەگيالىق ميسسيانى ناقتىلاۋى كەرەك. ياعني، پارتيا مەملەكەتتىڭ ەكونوميكالىق، رۋحاني، الەۋمەتتىك ساياساتىنىڭ ورىندالۋ بارىسىن قاداعالايدى. «ءۇشىنشى ونەركاسىپتىك جاڭعىرۋ پروسەسىنە اتسالىسۋ – ءبىزدىڭ باستى مىندەتىمىز. وسى رەتتە، پارتيا تىڭ يدەيالار ۇسىنىسىنىڭ وزەگىنە اينالۋى ءتيىس» دەپ اتاپ ءوتتى «نۇر وتان» پارتياسى ءتوراعاسىنىڭ ءبىرىنشى ورىنباسارى ماۋلەن اشىمبايەۆ.
ەكىنشىدەن، پارتيانى ناقتى جۇمىستار الاڭىنا اينالدىرۋ. «الداعى ءۇش جىلدا ەل كولەمىندە 1000 ءىت سىنىپ اشۋ جوسپارلانىپ وتىر. پارتيا تىكەلەي مۇرىندىق بولىپ وتىرعان بۇل سىنىپتار ءداستۇرلى ينفورماتيكا ءپانىنىڭ وقۋ باعدارلاماسىنا ۇقساماۋى ءتيىس. قازىرگى تاڭدا ەلىمىزدە 383 ءىت سىنىپ اشىلدى. ونىڭ 10-ى اتىراۋ وبلىسىندا. رەسپۋبليكا بويىنشا 17 ءىت ورتالىق جۇمىس ىستەپ تۇر. بۇل ورتالىقتار ازاماتتاردىڭ سيفرلىق ساۋاتتىلىعىن ارتتىرۋعا جاسالعان ۇلكەن مۇمكىندىك» دەگەن سپيكەر ماۋلەن اشىمبايەۆ پارتيا فيليالدارىنىڭ جۇمىسى وتكىزىلگەن شارا سانىمەن ەمەس، حالىققا تيگىزگەن ناقتى پايداسىنا قاراي باعالاناتىنىن ايتتى.
ۇشىنشىدەن، كاسىبي كادرلار رەزەرۆىن جاساقتاۋ. سپيكەر ماۋلەن اشىمبايەۆتىڭ ايتۋىنشا، جاۋاپتى ساياسي قىزمەتكە ۇمىتكەرلەر ەندى كاسىبي كادرلار رەزەرۆىنەن الىنادى. بۇل – پارتيا قۇرامىنا ءوتۋ ەندى كۇردەلى ىرىكتەۋ كەزەڭىنەن كەيىن عانا جۇزەگە اسىرىلادى دەگەن ءسوز.
تورتىنشىدەن، قوعامدا ورىن الىپ جاتقان جاعدايلارعا مونيتورينگ جۇرگىزۋ، احۋالدى سارالاۋ.پارتيا الەۋمەتتىك جەلىلەردەگى اقپاراتتاردى سارالاي وتىرىپ، قوعامدىق دەڭگەيدە الاڭداۋشىلىق تۋعىزعان ماسەلەلەردىڭ وڭ شەشىلۋىنە ىقپال ەتەتىن بولادى. «وسىنداي مونيتورينگ ناتيجەسىندە پارتيا ديابەت دەرتىنە شالدىققان بالالاردى تولىقتاي دارى-دارمەكپەن قامتۋعا، مەنينگيت دەرتىمەن كۇرەسۋگە ءتيىستى شارالار قابىلداۋعا قول جەتكىزدى» دەپ اتاپ ءوتتى «نۇر وتان» پارتياسى ءتوراعاسىنىڭ ءبىرىنشى ورىنباسارى ماۋلەن اشىمبايەۆ.
مۇنايلى ايماقتىڭ باسشىسى، «نۇر وتان» پارتياسى اتىراۋ وبلىستىق ءفيليالىنىڭتوراعاسى نۇرلان نوعايەۆ «پرەزيدەنتتىڭ بەس الەۋمەتتىك باستاماسى» باعدارلاماسى اياسىندا اتقارىلىپ جاتقان جۇمىستار جونىندە اقپارات بەردى. «ءبىلىم الۋدىڭ قولجەتىمدىلىگىن قامتاماسىز ەتۋ ماقساتىندا، قاجەتتى ماماندارعا جەرگىلىكتى بيۋدجەتتەن گرانت ءبولۋ ءداستۇرلى ۇردىسكە اينالدى. ستۋدەنتتەردى جاتاقحانامەن قامتۋ ماسەلەسى شەشىلۋدە. قازىرگى تاڭدا وبلىس تۇرعىندارىنىڭ 98 پايىزى «كوگىلدىر وتىننىڭ» يگىلىگىن كورىپ وتىر. ال، وبلىس ورتالىعىنان شالعايدا ورنالاسقان قۇرمانعازى اۋدانىنا قاراستى ازعىر ايماعىنا گاز تارتۋ جۇمىستارى جۇرۋدە. كەلەر جىلدىڭ ءبىرىنشى توقسانىندا ازعىرعا قاراستى سەگىز ەلدى مەكەنگە گاز جەتكىزۋ مۇمكىندىگى بار. سونداي-اق، تابىسى تومەن 65 مىڭ اتىراۋلىق سالىقتى تومەندەتۋ مۇمكىندىگىن پايدالانا الادى» دەپ اتاپ ءوتتى وبلىس اكىمى نۇرلان نوعايەۆ.
اتىراۋعا ساپارى اياسىندا «نۇر وتان» پارتياسى ءتوراعاسىنىڭ ءبىرىنشى ورىنباسارى ماۋلەن اشىمبايەۆ اتىراۋ مۋزىكا كوللەدجى «د.نۇرپەيىسوۆا اتىنداعى حالىقتىق مۋزىكا اكادەمياسىنىڭ» جاتاقحاناسىمەن، «CaspiyLanaAtyrau» جەڭىل ونەركاسىبىنىڭ جۇمىسىمەن تانىستى.
