4 قازان كۇنى اقتوبە قالاسىندا توعىز قاباتتى ءۇيدىڭ بىرنەشە قاباتى ورتكە وراندى.تجد بەرگەن مالىمەتتەر بويىنشا، ءابىلقايىر حان داڭعىلى بويىنداعى ۇيدە ورىن العان ءورت تۋرالى حابار ساعات 15.03-تە تۇسكەن. ساعات 15.11-دە ءورت ءسوندىرۋ قىزمەتى وقيعا ورنىنا جەتەدى. ساعات 15.50-دە ءورت اۋىزدىقتالىپ، 16.05-دە ءسوندىرىلدى. 200 ادام ەۆاكۋاسيالانىپ، ءۇش ادام قۇتقارىلدى. 40-قا جۋىق پاتەر زارداپ شەكتى، كەيبىر پاتەرلەر تۇگەل ورتەندى. بۇل تۋرالى Qamshy.kz اقپارات اگەنتتىگى اقتوبە وبلىسى اكىمىنىڭ باسپا ءسوز قىزمەتىنە سىلتەمە جاساپ حابارلايدى.

ءورتتى سوندىرۋگە جەكە قۇرامنىڭ 37 قىزمەتكەرى مەن جەتى بىرلىك تەحنيكا جۇمىلدىرىلدى. ءورت بولعان جەردە شولۋ جۇمىستارى جۇرگىزىلىپ جاتىر.

الدىن الا مالىمەتتەر بويىنشا زارداپ شەككەندەر جوق.

قالا اكىمدىگى مەن تجد بىرلەسە ارنايى كوميسسيا قۇردى. ولار ءورتتىڭ شىعۋ سەبەبى مەن كەلتىرىلگەن شىعىندى انىقتايتىن بولادى. جەرگىلىكتى اتقارۋشى ورگاندار تاراپىنان ءورتتىڭ سالدارىنان زارداپ شەككەن وتباسىلارعا قاجەتتى كومەك كورسەتىلمەك.