بۇگىن ءبىلىم جۇيەسى، تۇرعىن ءۇي ماسەلەسى، قۇقىق قورعاۋ ورگاندارى وزگە دە وزەكتى تاقىرىپتاردى قاۋزاعان نازاربايەۆ جەر ماسەلەسىن دە نازاردان تىس قالدىرمادى.

«حالىق اراسىندا ماڭىزعا يە ماسەلەلەردىڭ ءبىرى جەر قاتىناستارى مەن قۇرىلىس سالاسىنداعى بيۋروكراتيالىق پروسەدۋرالار. جەر قورى جونىندە بىرلەسكەن اقپاراتتىق بازا قۇرۋدى تاپسىرامىن. دەرەۋ رەتكە كەلتىرىپ، جەردى دۇرىس پايدالاناتىن ادامعا بەرىڭدەر! بۇل ءبىر عانا مىسال»، - دەي كەلە مەملەكەتتىك قىزمەتشىلەردىڭ جۇمىسىنا توقتالىپ ءوتتى.

بۇعان قوسا ەلباسى 2019 جىلى مەملەكەتتىك قىزمەتتىڭ 80 پايىزى، ال 2020 جىلى 90 پايىزى ەلەكتروندىق فورماتقا ءوتۋى ءتيىس ەكەنىن تاپسىردى.

«بۇل ءۇشىن «مەملەكەتتىك قىزمەتتەر» تۋرالى زاڭدى رەتكە كەلتىرۋ كەرەك»، - دەدى ەلباسى.

ايتا كەتەيىك، ەلباسى 5 قازاندا اقوردا رەزيدەنسياسىندا حالىققا جولداۋىن جاريالادى. جولداۋىن جاريالاماس بۇرىن قازاقستاننىڭ بۇگىنگى كۇنگە دەيىنگى جەتىستىكتەرىن ءتىزىپ، الداعى جوسپارلاردى اتادى.

ەلباسى جولداۋىن ۇلتتىق تەلەارنالار مەن اقوردانىڭ فەيسبۋكتەگى رەسمي پاراقشاسى تىكەلەي ەفيردە كورسەتتى.