بۇگىن ۇكىمەت وتىرىسىندا ينجەنەرلىك-كولىكتىك ينفراقۇرىلىممەن قامتاماسىز ەتۋ ارقىلى استانا قالاسىنىڭ 2019–2023 جىلدارعا ارنالعان جيناقى قۇرىلىسى جونىندەگى كەشەندى جوسپارى ماقۇلداندى.

2023 جىلعا دەيىن ەلوردادا 10 ميلليون شارشى مەتر تۇرعىن ءۇي پايدالانۋعا بەرىلەدى. بۇل تۋرالى بۇگىن ۇكىمەتتىڭ سەلەكتورلىق رەجىمدەگى وتىرىسىندا  ەلوردانىڭ  2019-2023 جىلدارعا ارنالعان جيناقى قۇرىلىسى جونىندەگى كەشەندى جوسپارى جوباسىن تانىستىرعان استانا اكىمى باقىت سۇلتانوۆ ايتتى

ەلوردا اكىمى باقىت سۇلتانوۆ مەملەكەت باسشىسىنىڭ تاپسىرماسىن ورىنداۋ ماقساتىندا اكىمدىك كەشەندى جوسپار ازىرلەگەنىن اتاپ ءوتتى. يگەرۋ اۋماعىنىڭ شەكارالارى 25،7 مىڭ گەكتاردان 15،4 مىڭ گەكتارعا دەيىن وڭتايلاندىرىلدى جانە بەس پەرسپەكتيۆالى قۇرىلىس سالۋ ايماعى انىقتالدى: مىڭجىلدىق اللەياسى مەن «نۇرلى جول» ۆوكزالى؛ ماڭگىلىك ەل داڭعىلى؛ تۇران داڭعىلىنان باتىسقا قاراي؛ تەلمان كەنتىنەن وڭتۇستىككە قاراي؛ اسان قايعى كوشەسى اۋدانىن جاڭارتۋ.

«الداعى بەس جىلدىڭ ىشىندە ەلوردانىڭ دامۋىنا شامامەن 6 ترلن تەڭگە جەكە ينۆەستيسيا سالىنادى. وسىلايشا، 1 تەڭگە مەملەكەتتىك ينۆەستيسياعا 4–5 تەڭگە جەكە كاپيتال سالىناتىن بولادى. ءوز كەزەگىندە، بۇل الەۋمەتتىك جانە ينجەنەرلىك ينفراقۇرىلىمنىڭ كەڭەيۋىنە، سونداي-اق تۇرعىن ءۇي قۇرىلىسىنىڭ وسىمىنە مۇمكىندىك تۋعىزادى»، — دەدى باقىت سۇلتانوۆ.

ونىڭ ايتۋىنشا، اۋماقتاردا بەلسەندى قۇرىلىس سالۋ 2023 جىلعا دەيىن شامامەن 10 ملن شارشى مەتر تۇرعىن ءۇي ەنگىزىلىمىن قامتاماسىز ەتەدى.

كولىكتەندىرۋ دەڭگەيىنىڭ 8-9% دەيىن جىل سايىنعى ۇلعايۋىن ەسكەرە وتىرىپ، 2023 جىلعا دەيىن 121 كم جول، ەكى جول ايرىعىن، ءۇش كوپىر، ءبىر جول وتپەسىن، ءبىر توننەل سالۋ جانە اينالما جولدى اياقتاۋ جوسپارلانۋدا. كولىك قاڭقاسىن قۇرۋ ەلوردا جولدارىندا كولىكتىك كوللاپستىڭ تۋىنداۋىنا جول بەرمەۋدى جانە قالانىڭ نەگىزگى ماگيسترالدارىنان 50% جۇكتەمەنى تومەندەتۋگە مۇمكىندىك بەرەدى.

«ەكونوميكا مەن سالىق سالىناتىن بازا ءوسىمىنىڭ كۇتىلەتىن قارقىنى جەرگىلىكتى بيۋدجەت كىرىسىنىڭ 43،7 پايىزعا، 355 ملرد تەڭگەگە دەيىن ۇلعايۋىن قامتاماسىز ەتەدى. استانا قالاسىنان رەسپۋبليكالىق بيۋدجەتكە جىل سايىنعى تۇسىمدەر 14 پايىزعا، 2018 جىلعى 823 ملرد تەڭگەدەن 2023 جىلى 940 ملرد تەڭگەگە دەيىن وسەدى. سونىمەن قاتار، الداعى 5 جىلدىڭ ىشىندە ەلوردانىڭ دامۋىنا شامامەن 6 ترلن تەڭگە جەكە ينۆەستيسيا سالىنادى»، - دەدى قالا باسشىسى.

وسىلايشا، ونىڭ دەرەگىنشە، 1 تەڭگە مەملەكەتتىك ينۆەستيسياعا 4-5 تەڭگە جەكە كاپيتال سالىناتىن بولادى. ءوز كەزەگىندە، بۇل الەۋمەتتىك جانە ينجەنەرلىك ينفراقۇرىلىمنىڭ كەڭەيۋىنە، سونداي-اق تۇرعىن ءۇي قۇرىلىسىنىڭ وسىمىنە مۇمكىندىك تۋعىزادى.

«اۋماقتاردا بەلسەندى قۇرىلىس سالۋ 2023 جىلعا دەيىن شامامەن 10 ملن شارشى مەتر تۇرعىن ءۇي ەنگىزىلىمىن قامتاماسىز ەتەدى. كولىكتەندىرۋ دەڭگەيىنىڭ 8-9 پايىزعا دەيىن جىل سايىنعى ۇلعايۋىن ەسكەرە وتىرىپ، 2023 جىلعا دەيىن 121 شاقىرىم جول، 2 جول ايرىعىن، 3 كوپىر، 1 جول وتپەسىن، 1 جەر استى جولىن سالۋ جانە 1 اينالما جولدى اياقتاۋ جوسپارلانۋدا. كولىك قاڭقاسىن قۇرۋ ەلوردا جولدارىندا كولىكتىك كوللاپستىڭ تۋىنداۋىنا جول بەرمەۋدى جانە قالانىڭ نەگىزگى ماگيسترالدارىنان 50 پايىزعا جۇكتەمەنى تومەندەتۋگە مۇمكىندىك بەرەدى»، -  دەدى باقىت سۇلتانوۆ.