بۇگىن استانا قالاسىندا ورتالىق ازيا ەلدەرىنە تۋرنە شەڭبەرىندە سىرتقى ىستەر  جونىندەگى ەۋروپالامەنت دەلەگاسياسىنىڭ رەسمي ساپارى باستالدى. ەۋرودەپۋتات كريستيانوم دان پرەدويدىڭ باسشىلىق ەتۋىمەن دەلەگاسيا استانا جانە الماتى قالالارىنا بارۋى جوسپارلانعان. ساپار بارىسىندا ق ر پارلامەنتى، ق ر سىرتقى ىستەر مينيسترلىگى، ق ر باس پروكۋراتۋراسى، ق ر قوعامدىق دامۋ مينيسترلىگى جانە قازاقستاننىڭ ءبىرقاتار عىلىمي-اناليتيكالىق ينستيتۋتتارى مەن ۋنيۆەرسيتەتتەرىندە كەزدەسۋلەر وتكىزىلەدى.  

تاراپتار ەو مەن قازاقستان اراسىنداعى پارلامەنتارالىق ارىپتەستىكتىڭ ءبىرقاتار ماڭىزدى ماسەلەلەرىن تالقىلايدى، سونىڭ ىشىندە – ساياسي جانە ەكونوميكالىق رەفورمالار، زاڭ ۇستەمدىگى، ساۋدا جانە ەكونوميكالىق ارىپتەستىك جانە حالىقارالىق كۇن ءتارتىبىنىڭ ماسلەلەرى.  سونىمەن قاتار، تالقىلاۋلار ادام قۇقىقتارى مەن ازاماتتىق قوعامدى دامىتۋ، ءبىلىم بەرۋ جانە عىلىمي-زەرتتەۋ ماسەلەلەرى سياقتى ءبىرقاتار ىنتىماقتاستىق سەكتورلارىن قامتيدى. سونداي-اق، ەنەرگەتيكا، كولىك جانە قاۋىپسىزدىك، تەرروريزم، شەكارانى باسقارۋ جانە ەسىرتكىنىڭ زاڭسىز اينالىمىنا قارسى كۇرەس ماسەلەلەرى قاراستىرىلادى.

"21 جەلتوقسان 2015 جىلى قول قويىلعان كەڭەيتىلگەن ارىپتەستىك جانە ىنتىماقتاستىق تۋرالى كەلىسىم – ەو مەن ەو-عا مۇشە مەملەكەتتەر جانە قازاقستان اراسىنداعى ىنتىماقتاستىقتى ودان ءارى نىعايتۋداعى ماڭىزدى مەجە. جاڭا كەلەسىم دەموكراتيا مەن زاڭ ۇستەمدىگى، جانە ازاماتتىق قوعاممەن ىنتىماقتاستىق ماسەلەلەرەنى اسا كوڭىل بولەدى. كەلەسىمنىڭ ساۋدا ءبولىمى بيزنەس وكىلدەرىنە رەتتەۋشى ورتانى جاقسارتۋعا باعىتتالعان. سونىمەن قاتار، قازاقستان ەو-نىڭ ورتالىق ازياداعى وسىنداي جاڭا بۋىنداعى كەلىسىمگە قول قويعان ءبىرىنشى سەرىكتەسى"، – دەپ اتاپ ءوتتى دەلەگاسيا باسشىسى كريستيان دان پرەدا.

2018 ج. 2 اقپاندا ەۋروپالىق وداق پەن قازاقستان اراسىنداعى ديپلوماتيالىق قاتىناستاردىڭ ورناتلىعانىنا 25 جىل تولدى. اتالعان شيرەك عاسىر بارىسىندا ءوزارا ىنتىماقتاستىقتىڭ بەرىك نەگىزى قالاندى. استانادا، ەو پەن قازاقستان رەسپۋبليكاسىنىڭ اراسىنداعى كەڭەيتىلگەن ارىپتەستىك جانە ىنتىماقتاستىق تۋرالى كەلىسىمىنە (كاىك) 2015 جىلدىڭ 21 جەلتوقسانىندا قول قويىلدى.  كاىك-نىڭ نەگىزگى بولىمدەرى 2016 جىلدىڭ 1 مامىرىنان باستاپ ۋاقىتشا كۇشىنە ەنە باستادى. كەلىسىم 29 سالاداعى ىقپالداستىق اياسىن كەڭەيتىپ، ەو پەن قازاقستان اراسىنداعى ساۋدا-ەكونوميكالىق جانە ينۆەستيسيالىق، ەنەرگەتيكا، كولىك، قورشاعان ورتانى قورعاۋ جانە كليماتتىڭ وزگەرۋى، جۇمىسپەن قامتۋ، ەڭبەك قاتىناستارى،   مادەنيەت، ءبىلىم جانە عىلىمي زەرتتەۋ سالالارىنداعى ىقپالداستىققا جول اشتى. 1991-2014 جج. ارالىعىندا ەو قازاقستاندا جالپى سوماسى 180 ملن قۇرايتىن 350-دەن استام جوبانى تىكەلەي قارجىلاندىردى. بۇل جوبالار ق ر ۇكىمەتىنىڭ ءار ءتۇرلى مينيسترلىكتەرى، ۆەدومستۆولارى مەن كوميتەتتەرىنە ساياسي كەڭەس جانە تەحنيكالىق كومەككە باعىتتالدى.