تىلدەردى دامىتۋ مەن قولدانۋدىڭ 2017-2019 جىلدارعا ارنالعان وبلىستىق ءىس-شارالار جوسپارى شەڭبەرىندە جانە قازاقستان حالقى تىلدەرىنىڭ Xءىح رەسپۋبليكالىق فەستيۆالى اياسىندا پاۆلودار وبلىسىنىڭ تىلدەردى دامىتۋ جونىندەگى باسقارماسىنىڭ ۇيىمداستىرۋىمەن 22 تامىز - 22 قىركۇيەك ارالىعى «تىلدەر ايلىعى» بولىپ جاريالاندى.

بۇل تۋرالى تىلدەردى دامىتۋ جونىندەگى باسقارماسى مونيتورينگ جانە تالداۋ ءبولىمىنىڭ باسشىسى قىمبات ساكەنوۆا حابارلادى.

«تىلدەر ايلىعى رەسمي تۇردە اعىمداعى جىلدىڭ 22 تامىزىندا باستالدى. مەملەكەت باسشىسىنىڭ «بولاشاققا باعدار: رۋحاني جاڭعىرۋ» ماقالاسىنداعى «تۋعان جەر» باعدارلاماسى نەگىزىندە ۇلتتىق رۋحىمىزدى ماڭگى ەستە ساقتاۋ ماقساتىندا جىر-داستاندارمەن جانە ابايدىڭ قارا سوزدەرىن ناقىشىنا كەلتىرىپ جاتقا وقيتىن د. اسەنوۆتىڭ «مەن ابايدى وقيمىن!» اتتى اعارتۋشىلىق-پوەزيالىق كەشىمەن اشىلدى. اتالعان شاراعا «ارداگەرلەر ءۇيى» وبلىستىق ورتالىعى، «زامانداس» ارداگەرلەر كلۋبى جانە «قازاق ءتىلى» قوعامىنىڭ مۇشەلەرى قاتىستى»، - دەيدى قىمبات ساكەنوۆا.

جالپى ايلىق شەڭبەرىندە وبلىس قالا، اۋداندارىندا 200-دەن استام ءىس-شارا ۇيىمداستىرىلاتىن بولادى. ونىڭ ىشىندە كوركەمسوز وقۋ شەبەرلەرىنىڭ وبلىستىق بايقاۋى، «ءتىلدارىن» وليمپياداسى، «مەملەكەتتىك تىلدە ەڭ ۇزدىك قىزمەت كورسەتۋ» جانە «الاش ارىستارى» جاس اقىندار ءمۇشايراسى جانە تاعى باسقالارى. تىلدەر ايلىعى 2017 جىلعى 22 قىركۇيەكتە «ءتىل - دوستىق قۇرالى» اتتى كونسەرتتىك باعدارلامامەن اياقتالادى.

№ 15 مەكتەپتە "تىلدەر ايلىعى" جالعاسۋدا. قازاق ءتىلى مۇعالىمدەرى: گ.ءا.ءۋاليحانوۆا جانە ر.م.شارباقبايەۆا بۇگىن، 5 قىركۇيەك 7-10 سىنىپتارعا احمەت بايتۇرسىنوۆتىڭ تۋعان كۇنىنە بايلانىستى "ءسوز ونەرى" مانەرلەپ وقۋ سايىسى ءوتتى. وقۋشىلىر بەلسەندى قاتىسىپ، احمەت بايتۇرسىنوۆتىڭ ولەڭدەرىن وقىدى.