ەلوردا دا «قازپوشتا» اق ۇيىمداستىرۋىمەن Google كومپانياسىنىڭ وكىلدەرى ىت-كومپانيالارىنىڭ باسشىلارى مەن ماماندارى، ماركەتولوگتار، بيزنەسمەندەر، وتاندىق ينتەرنەت-دۇكەن يەلەرى ءۇشىن meet up وتكىزدى.

شاراعا Kazpost ITء-بولىمىنىڭ اتقارۋشى ديرەكتورى باحتيار مۇحامەتقالييەۆ قاتىسىپ، ەلەكتروندى دامىتۋعا اتسالىساتىن بارلىق ۇسىنىستار مەن يدەيالاردى قازپوشتا ءارقاشان قولدايتىنىن ايتتى.

Google كومپانياسىنىڭ ماماندارى قاتىسۋشىلارعا ينتەرنەت-تەحنولوگيالاردىڭ ماڭىزدىلىعىن، اتاپ ايتقاندا ەلەكتروندى ساۋدا دا قانداي ماڭىزى بار ەكەنىن جەتكىزدى.

سونداي-اق، جوبالارمەن ءتيىمدى جۇمىس ىستەۋى جانە قىزمەتكەرلەردىڭ جەكە ءوسۋى ءۇشىن Google قۇرالدارىن دۇرىس پايدالانۋ جايىندا قىزىقتى دا ماڭىزدى مالىمەتتەرىمەن ءبولىستى.

Google كومپانياسىنىڭ وكىلى ەۆگەنيي گانچيتس شاراعا قاتىسۋشىلارعا گۋگل ىزدەۋ جۇيەسىنىڭ قىر-سىرىمەن تانىستىرىپ ءوتتى.

«Google – بۇل پروسەستەردى وڭتايلاندىرۋعا مۇمكىندىك بەرەتىن جانە قازىرگى كەزدە قاجەت نارسەنى تەز ارادا تابۋعا جاعداي جاساپ وتىرعان، وتە اقىلدى ىزدەۋ جۇيەسى»، – دەپ ءوز ءسوزىن باستادى كومپانيا وكىلى ەۆگەنيي.

ىزدەۋ جۇيەسىنىڭ كاسىپكەرگە كومەگى از عانا. ودان ءارى وعان ينتەرنەت تەحنولوگيالار كومەك بەرە الادى، جانە دە ول ەلەكتروندى ساۋدا دا وتە قاجەت دۇنيە. ەۆگەنيي گانچيتس بۇل جايىندا ءوز تاجىريبەسىندەگى ءساتتى جارناما ارقىلى ينتەرنەتتەگى قالىڭ جۇرتشىلىقتىڭ نازارىن قالاي اۋدارۋ كەرەكتىگىن ايتتى.

ال، digital-ماركەتينگتە جەتى جىل تاجىريبەسى بار رومان لەونوۆ قازاقستاندا، ءازىربايجاندا جانە قىرعىزستاندا كۋپوندىق سەرۆيستى دامىتۋمەن اينالىسقان. بىرنەشە جىلدان كەيىن ءوزىنىڭ Peklo اگەنتتىگىن اشقان.

سونداي-اق، ول ءوز سوزىندە جەكە سايتىن قالاي قۇرۋ كەرەكتىگىن، ونى قالاي راسىمدەۋ كەرەكتىگىن ايتىپ، بارلىق ماركەتولوگتارعا مىندەتتى تۇردە Google Analytics قولدانۋعا كەڭەس بەردى.

Meet up-تى digital-اگەنتتىكتى دامىتۋمەن اينالىساتىن اسيا مامبەتالييەۆا  قورىتىندىلاپ ءوتتى. اسيا ءوز كەزەگىندە Google تيەسىلى YouTube قىزمەتى جونىندە ايتىپ بەردى. باستى نازاردى جارنامالىق بەينەروليكتەرگە قويۋعا باعدار بەردى. 

بۇگىنگى تاڭدا قازاقستان بۇكىل الەمدە YouTubeء-تى كورۋ بويىنشا العاشقى پوزيسيالاردىڭ ءبىرىن الادى، سوندىقتان بۇل جارناما ءۇشىن تاماشا قۇرال. ءاربىر سەكۋند سايىن 1،5 ميلليارد كورەرمەن ءۇشىن 400 ساعاتتان استام كونتەنت جۇكتەلەدى.

«ورتاشا ەسەپپەن العاندا كورەرمەن سمارتفوننان بەينە كورۋ ءۇشىن كۇنىنە ءبىر ساعاتتان استام ۋاقىت وتكىزەدى. بۇگىندە ءبىز ساپالى كونتەنتتى قالايمىز – بۇل ءوز كەزەگىندە جارناما بەرۋشىلەردى شاقىرۋ. YouTube-تا بەينە جارنامالاردىڭ كوپ تۇرلەرى بار. ءبىراق ەڭ جاڭالارى تومەنگى جاعىندا كورىنىپ تۇرادى»، – دەدى ءاسيا مامبەتالييەۆا.

ايتا كەتەلىك، قازاقستاندىق YouTube-تا كازينو مەن برەندتى جارنامالاۋعا تىيىم سالىنعانىن دا كومپانيا وكىلدەرى ەسكە سالىپ ءوتتى.