اقتاۋدا وتكەن وبلىس اكتيۆىنىڭ جينالىسى كەزىندە حالىقتىڭ ءومىر ءسۇرۋ ساپاسىن ارتتىرۋ ماسەلەسى تالقىلاندى.
جيىن بارىسىندا وبلىس اكىمى ەرالى توعجانوۆ ەلباسى نۇرسۇلتان نازاربايەۆتىڭ "قازاقستاندىقتاردىڭ ءال-اۋقاتىنىڭ ءوسۋى: تابىس پەن تۇرمىس ساپاسىن ارتتىرۋ» اتتى جولداۋىندا ايتىلعان ماقساتتار مەن مىندەتتەرگە قول جەتكىزۋ بارىسىندا اتقارىلاتىن جۇمىستار تۋرالى باياندادى.
مەكتەپكە دەيىنگى ءبىلىم بەرۋ ساپاسىن جاقسارتۋ ماسەلەسىنە كەلگەندە، ماڭعىستاۋدا 3 جاستان 6 جاسقا دەيىنگى بالالاردى مەكتەپكە دەيىنگى بىلىممەن قامتۋ 93،7% ( 2017 جىلى 93،1%) قۇرايدى. جىل باسىنان 919 ورىندىق 10 بالاباقشا پايدالانۋعا بەرىلدى. جىل سوڭىنا دەيىن تاعى 23 نىسان پايدالانۋعا بەرىلەدى. ناتيجەسىندە كورسەتكىش 97،1% - عا جەتەدى.
مەديسينالىق قىزمەت كورسەتۋ ساپاسىن ارتتىرۋ ماسەلەسىن شەشۋ ءۇشىن وڭىردە 1219 مەديسينا قىزمەتكەرى جالاقىعا ۇستەماقى الادى. سونىمەن قاتار، مەديسينا سالاسىن سيفرلاندىرۋعا ەرەكشە كوڭىل بولىنۋدە. ەڭ الدىمەن، بارلىق مەديسينالىق ۇيىمدار 2019 جىلدىڭ 1 قاڭتارىنان باستاپ قاعازسىز قۇجات اينالىمىنا كوشۋى ءتيىس. ەكىنشى مىندەت - 2020 جىلعا دەيىن وبلىستىڭ بارلىق تۇرعىندارى ءۇشىن ەلەكتروندىق دەنساۋلىق ءتولقۇجاتىن ازىرلەۋ.
بۇگىندە ماڭعىستاۋ حالقىنىڭ بۇقارالىق سپورت تۇرلەرىمەن جانە دەنە بەلسەندىلىگىمەن قامتىلۋى 29،6% - دى قۇرايدى، بۇل سوڭعى 3 جىلمەن سالىستىرعاندا 8 ەسەگە كوپ.
"مەملەكەت باسشىسىنىڭ تاپسىرماسىنا سايكەس ءبىز ايماقتىق دەڭگەيدە رەزەرۆتەر تاۋىپ، وبلىس تۇرعىندارى ءۇشىن سپورتتى قولجەتىمدى ەتۋگە ءتيىسپىز. سونداي-اق، سوڭعى جىلدا 20-دان استام سپورت الاڭى مەن 11 ءىرى سپورت نىسانى جەكە ينۆەستورلار ەسەبىنەن سالىندى. بيىل اقتاۋ قالاسىندا مۇز ايدىنىنىڭ، بوكس ورتالىعىنىڭ، بەينەۋ، ماڭعىستاۋ جانە سەنەك اۋىلدارىندا سپورت كەشەندەرىنىڭ قۇرىلىسى باستالدى. بيىلعى جىلى ماڭعىستاۋدا فۋتبولدى دامىتۋ ماقساتىندا جاڭا فۋتبول الاڭى سالىنىپ، مۇنايشى ستاديونى قايتا جوندەۋدەن ءوتتى"، - دەدى ءوڭىر باسشىسى ەرالى توعجانوۆ. ءومىر ءسۇرۋدىڭ قولايلى ورتاسىن قۇرۋ ماسەلەسى بويىنشا پرەزيدەنت حالىققا جولداۋىندا وڭىرلىك جانە قالالىق ينفراقۇرىلىمدى دامىتۋعا ەرەكشە نازار اۋداردى. وسىلايشا، جىل سوڭىنا قاراي ماڭعىستاۋ اۋىلدىق ەلدى مەكەندەرىنىڭ 69% - ى نەمەسە اۋىل حالقىنىڭ 89% - ى ورتالىقتاندىرىلعان اۋىز سۋمەن قامتاماسىز ەتىلەدى. قازىرگى ۋاقىتتا اۋدانارالىق جولداردىڭ كوپشىلىگىنىڭ جاعدايى جاقسى، سوندىقتان اۋىلىشىلىك جولداردىڭ قۇرىلىسىنا قاراجات بولىنەتىن بولادى. ماڭعىستاۋدا 1 قاڭتاردان باستاپ مەملەكەتتىك قىزمەتكەرلەردىڭ جالاقىسىن 2-2، 5 ەسە ارتتىرۋ بويىنشا پيلوتتىق جوبا ەنگىزىلدى. جوبانى ىسكە اسىرۋدىڭ 8 ايىندا مەملەكەتتىك قىزمەتكە تۇسۋگە نيەت بىلدىرۋشىلەر سانى 1 ورىنعا 2-دەن 16 ادامعا دەيىن ارتتى، ۇسىنىلعان جوعارى ساپالى مەملەكەتتىك قىزمەتتەر سانى 3 ەسەگە ارتتى، مەملەكەتتىك قىزمەتتەردى الۋعا حالىقتىڭ شاعىمدارى 4 ەسەگە قىسقاردى. سونداي-اق وڭتايلاندىرۋ ەسەبىنەن مەملەكەتتىك قىزمەتشىلەردىڭ سانى 84 بىرلىككە، ال باسقارۋ كادرلارىنىڭ سانى 24 بىرلىككە قىسقاردى. ەلباسى جولداۋىن ىسكە اسىرۋدىڭ باسقا دا اسپەكتىلەرىن قولدانۋ تۋرالى ويلارىمەن قوعام بەلسەندىلەرى ءبولىستى.تۋريستىك كلاستەردىڭ وكىلى دەمالىس بازاسىنىڭ ديرەكتورى ۇلبولسىن احمەتوۆا وڭىردە مەملەكەت باسشىسىنىڭ تاپسىرمالارى ورىندالىپ جاتقانىن اتاپ ءوتتى: "بيىلعى جازدا ماڭعىستاۋعا ساپارى كەزىندە، پرەزيدەنت اقتاۋ قالاسى تۇرىك انتالياسىنىڭ انالوگى بولۋى ءتيىس دەگەن تاپسىرما بەردى. ءبىر اي عانا ۋاقىت ءوتتى. بۇگىندە ۇكىمەت دەڭگەيىندە "كاسپيي تەڭىزى جاعالاۋىنداعى تەڭىز كۋرورتىن دامىتۋ جونىندەگى جول كارتاسى" قابىلداندى، ونىڭ نەگىزگى باعىتى اقتاۋ قالاسىنان قۇرىق كەنتىنە دەيىنگى جاعاجاي ايماعىنىڭ ينجەنەرلىك ينفراقۇرىلىمىن سالۋ بولىپ تابىلادى. اكىمدىك ءوز كەزەگىندە سۋ جانە ەلەكتر جەلىلەرىمەن جابدىقتاۋ ءۇشىن جوبالىق قۇجاتتامانى دايىنداۋعا كىرىسكەن جانە 2019 جىلى ءىس-شارالاردى ءىس جۇزىندە جۇزەگە اسىرۋعا كىرىسۋگە ۋادە بەرگەن بولاتىن".
"بانك سەنتر كرەديت" بانكىنىڭ اقتاۋ فيليالىنىڭ ديرەكتورى ديلشود ورازىمەتوۆ ماڭعىستاۋ وبلىسىندا "7-20-25" يپوتەكالىق تۇرعىن ءۇي نەسيەلەندىرۋدىڭ مەملەكەتتىك باعدارلاماسىنىڭ ىسكە اسىرىلۋ بارىسى تۋرالى ايتىپ بەردى: "7/20/25 باعدارلاماسىن ىسكە اسىرۋ بويىنشا وبلىستار اراسىندا، ماڭعىستاۋ وبلىسى ساتىلعان پاتەرلەردىڭ كولەمى مەن سانى بويىنشا ءۇشىنشى ورىندا تۇر. 7/20/25 باعدارلاماسى باستالعالى سەنتركرەديتبانكىنىڭ ماڭعىستاۋ وبلىستىق فيليالى 1،4 ملرد. تەڭگەدەن استام سوماعا 140-تان استام قارىز بەردى" دەدى.
