ءوز تۇسىندا كەسەك مىنەز، ءور اعا،
ءوتتى ومىردەن شەرلى جۇرەك شەر اعا!
ءبىر پەرزەنتىن قوينىنا الارىن ءبىلىپ،
كۇڭىرەنىپ تەڭسەلگەندەي جەر-انا!
اجال – سەرىك بولسا داعى كونەدەن،
اۋىر ەدى، ازاپتى ەدى نە دەگەن!
ال ۇلتىنا: «باقۇل بول!» دەپ ايتۋدان
باسقا لاج جوق، شاراسىزدىق نە دەگەن!
قاي كەزدە دە جولى اۋىر عوي قازانىڭ،
«ءولدى!» دەگەن ءسوزدى قالاي جازامىن؟..
بەل شەشپەگەن بۇل كۇرەستە ۇلتى ءۇشىن،
ءبىر پەرزەنتىن جوعالتتى ما، قازاعىم؟
مىقتىلاوردىڭ وزىمەنەن تىرەسكەن،
ۇمىتىلماس ول كۇندەردىڭ ءبىرى ەستەن...
قازاعىنىڭ ءتىلى مەنەن جەرى ءۇشىن
بۇل شەر اعاڭ ءبىر ادامداي كۇرەسكەن!
ۇلت باسىنان نەبىر جايلار ءوتىپتى،
ارمان قايدا؟.. وعان كىمدەر جەتىپتى؟
مىنە، وسىنداي شەرلى، مۇڭدى شەر اعا
اۋىر شىندىق – بۇل جالعاننان ءوتىپتى!
ءوز تۇسىندا كەسەك مىنەز، ءور اعا،
ءوتتى ومىردەن شەرلى جۇرەك شەر اعا!
ءبىر پەرزەنتىن قوينىنا الارىن ءبىلىپ،
كۇڭىرەنىپ تەڭسەلگەندەي جەر-انا!..
جۇماش كەنەباي،
10.09.2018 جىل
