«اتامەكەن» جانە ANQ ازيالىق ساپا جەلىسى ىنتىماقتاستىق تۋرالى كەلىسىمگە قول قويدى.

الماتىدا XVI ازيالىق ساپا كونگرەسى ءوتىپ جاتىر. ءىس-شارا اياسىندا «اتامەكەن» ق ر ۇلتتىق كاسىپكەرلەر پالاتاسى جانە ازيالىق ساپا جەلىسى AsianNetworkforQuality نەمەسە ANQ) اراسىندا ىنتىماقتاستىق جانە بىرلەسكەن قىزمەت تۋرالى كەلىسىمگە قول قويىلدى.

XVI ازيالىق ساپا كونگرەستى «اتامەكەن» ق ر ۇلتتىق كاسىپكەرلەر پالاتاسى، ازيالىق ساپا جەلىسى مەن قازاقستاندىق ساپا جانە يننوۆاسيالىق مەنەدجمەنت ۇيىمى ۇيىمداستىردى.

«بۇگىنگى احۋال الەمنىڭ ەكونوميكالىق دامىعان ەلدەرىنىڭ ۇزدىك تاجىريبەسى ءومىردىڭ ءتۇرلى سالالارىندا ساپا كاتەگورياسىن انىقتاۋعا قاتىستى ادەتتەگى ستەرەوتيپتەردى وزگەرتۋدى تالاپ ەتەدى. ساپا فيلوسوفياسى، ونىڭ كوتەرىلۋىن قامتاماسىز ەتۋ ءاربىر قازاقستاندىق كومپانيانىڭ كورپوراتيۆتىك مادەنيەتىنىڭ اجىراماس بولىگى بولۋعا كومەكتەسۋ – كونگرەستىڭ نەگىزگى مىندەتتەرىنىڭ ءبىرى، ال ساپانى جاقسارتۋ سالاسىندا ۇزدىك الەمدىك پراكتيكالار ءار وتاندىق كاسىپكەر ارسەنالىنا كىرۋى قاجەت»، – دەدى  «اتامەكەن» ق ر ۇكپ باسقارما ءتوراعاسىنىڭ ورىنباسارى ەلدوس رامازانوۆ.  

 ءىس-شاراعا ازيا، اقش، ەۋرووداقتىڭ 20 مەملەكەتىنەن 200-دەن استام وكىل قاتىسىپ جاتىر. كونگرەسس باعدارلاماسىنا جاپونيا، شۆەيساريا، اقش، وڭتۇستىك كورەيا جانە باسقا ەلدەردەن ساپا مەنەدجمەنتى سالاسىنداعى جەتەكشى سپيكەرلەردىڭ سويلەگەن سوزدەرى مەن سەمينارلارى كىرگەن.

كوگرەسس اياسىندا ANQ باسقارما ءتوراعاسى ازات ابراحمانوۆ، «اتامەكەن» ق ر ۇكپ باسقارما ءتوراعاسىنىڭ ورىنباسارى ەلدوس رامازانوۆ جانە ANQ قۇرمەتتى پرەزيدەنتى نورياكي كانو ىنتىماقتاستىق تۋرالى ءۇشجاقتى كەلىسىمگە قول قويدى.

قۇجاتقا سايكەس، ANQ ازيالىق ساپا جەلىسى «اتامەكەن» ق ر ۇلتتىق كاسىپكەرلەر پالاتاسىنا قازاقستاندىق كاسىپكەرلەر ءۇشىن مەنەدجمەنت جۇيەسى سالاسىنداعى سوڭعى جەتىستىكتەردى ەنگىزۋ ماقساتىندا كومەك كورسەتۋگە، بيزنەسمەندەردى حالىقارالىق شەبەرلىك ساباقتار، كونفەرەنسيالار مەن فورۋمدارعا قاتىسۋعا شاقىرۋعا،  ەكسپورتتىق الەۋەتتى ارتتىرۋ ءۇشىن ءتۇرلى شەت مەملەكەتتەردىڭ كاسىپورىندارىمەن جانە ۇيىمدارىمەن ساپا مەنەدجمەنتى سالاسىنداعى ىنتىماقتاستىقتى جانداندىرۋعا مىندەتتەنەدى.

 كەلىسىم اياسىندا «اتامەكەن» ق ر ۇكپ وكىلدەرىنىڭ ANQ مۇشە مەملەكەتتەرىندە كاسىپكەرلەر قۇقىعىن قورعاۋ مەن العا جىلجىتۋ بويىنشا جوبالاردى بەكىتۋ، ۇسىنىستار ەنگىزۋ بويىنشا جيىندار مەن جۇمىس توپتارىنا قاتىسۋى جوسپارلانعان.

بۇعان قوسا ءونىم ساپاسىن جاقسارتۋعا باعىتتالعان يننوۆاسيالاردى قولدانا وتىرىپ، كاسىپورىنداردى باسقارۋدا الدىڭعى قاتارلى ءبىلىم مەن تاجىريبە الماسۋ ماقساتىندا «بەنچماركينگ تۋرىن» وتكىزۋ جوسپارلانىپ وتىر. تاراپتار كاسىپكەرلەرگە ءوز جەتىستىكتەرىن ەڭ جاقسى ازيالىق كاسىپورىندارمەن سالىستىرۋعا كومەكتەسەدى. تاراپتاردىڭ ىنتىماقتاستىعى قىزمەتكەرلەردىڭ بىلىكتىلىگىن ارتتىرۋدا ازيا ەلدەرىنىڭ قىزمەتكەرلەردى سەرتيفيكاتتاۋ سالاسىندا وزىق تاجىريبەسىن قولدانۋعا مۇمكىندىك بەرەدى.

ازيالىق ساپا جەلىسى اياسىندا ساپا مەنەدجمەنتى سالاسىنداعى وزىق ازيالىق كومپانيالاردىڭ جەتىستىكتەرى، بيزنەس باسقارۋدىڭ جاڭا مودەلدەرى ۇسىنىلاتىن جىل سايىن كونگرەستەر وتەدى. كونگرەستەر شەڭبەرىندە ازيالىق ساپا جەلىسى ۇيىمداستىرعان ساپا بويىنشا حالىقارالىق بايقاۋلاردىڭ قورىتىندىسى جاسالىپ، ءونىم مەن قىزمەت ساپاسى، قىزمەتكەرلەردى باسقارۋ، الەۋمەتتىك جاۋاپكەرشىلىك سالاسىنداعى كورنەكتى ناتيجەلەرگە قول جەتكىزگەنى ءۇشىن ماماندار مەن عالىمداردى ماراپاتتاۋ سالتاناتى وتەدى. كاسىپورىندار مەن جەكە تۇلعالاردىڭ ماراپاتتارى ولاردىڭ حالىقارالىق دەڭگەيدە تانىلعانىن بىلدىرەدى.

كەلەسى 17ء-شى ازيالىق ساپا كونگرەسى ANQ – 2019 بانگكوكتە (تايلاند) وتەدى.