الماتىدا «يۋجنىي» ساياباعى ءبىر اي ارالىعىندا قايتا جاسالادى. الماتى قالاسىنىڭ اكىمى باۋىرجان بايبەك ساياباق ايماعىندا جۇرگىزىلىپ جاتقان جۇمىس بارىسىن تەكسەردى. 

ساياباقتىڭ جالپى اۋماعى 14،2 گەكتار. جاروكوۆ كوشەسىنىڭ شىعىسى مەن حودجانوۆ كوشەسىنىڭ سولتۇستىگىنە قاراي ورنالاسقان. مەردىگەر مەكەمەنىڭ ساياباقتى جاڭعىرتۋ جۇمىسىن ۇزاققا سوزۋىنا سەبەپ كونكۋرسقا قاتىسقان ءبىر كومپانيانىڭ بەرگەن ارىزىنىڭ سالدارىنان تۋىنداعان. سونداي-اق، تۇرعىنداردىڭ ۇسىنىستارى ەسكەرىلە وتىرىپ، جوباعا تۇزەتۋلەر ەنگىزىلىپ ساراپتاماعا قايتا جىبەرىلگەن.

ال «سايران» وزەنىنىڭ اۋماعىن اباتتاندىرۋ جۇمىسى كەلەسى جىلى جالعاسىن تاپپاق. وسى جىلى سۋ قويماسىنىڭ باتىس بولىگىنىڭ بەتكەيلەرى رەتتەلدى، ساتىلى ءتۇسۋ جولى جوندەلدى، 7 گەكتار جەر كوگالداندىرىلدى. قالا اكىمى وزەنگە جاقىن اۋماقتى قورشاپ، ويىن جانە سپورت ايماقتارىن كوبەيتۋدى تاپسىردى.