الماتىنى قاتقىل قالدىقتان تازارتۋعا ەكولوگتاردىڭ وزدەرى كىرىستى. قالانىڭ باستى تازالىق ساقشىلارى وتكەن دەمالىستا سەنبىلىك جاساپ، باۋم توعايىن قوقىستان ارىلتتى.

ماماندار ب ا ق ىشىندە قۋراعان بۇتالاردى جيىپ-بەرىپ، اعاش تۇپتەرىن قوپسىتتى. ال جاسىل جەلەككە ەرەكشە كۇتىم كورسەتىلدى. باس-اياعى، 60 ادام جۇمىلدىرىلعان تازالىق شاراسىندا باقتان 8 كاماز كۇل-قوقىس شىعارىلدى. جالپى، قالا ەكولوگتارى بۇعان دەيىن 8 ساياباقتى تازارتىپ ۇلگەرىپتى جانە بۇل جۇمىستار كۇندەلىكتى اتقارىلماق.

«جىل باسىنان بەرى 3505 حاتتاما تولتىرىلىپ، 57 ملن 900 مىڭ تەڭگە كولەمىندە ايىپپۇل سالىندى. قالا اۋماعىنىڭ تازالىعىن قاداعالاۋ بارىسىندا كورىكتەندىرۋ ەرەجەسىنە سايكەس كەلمەيتىن 48 البوم فوتوسلايد رەتىندە جاسالدى. 2018 جىلدىڭ باسىنان باستاپ قىركۇيەك ايىنا دەيىن قورشاعان ورتانى قورعاۋ جانە ەكولوگيا ءبولىمى»، – دەدى الماتى قالاسى قورشاعان ورتانى قورعاۋ جانە ەكولوگيا ءبولىمىنىڭ باسشىسى قايرات توقتاسىنوۆ.