الماتىدا تاعى بىرنەشە باعىتتىڭ اۆتوبۋستارى جاڭاردى. قالا باسشىسى باۋىرجان بايبەك جۇمىس ساپارى كەزىندە جەكە تاسىمالداۋشىلار العان ءبىرقاتار باعىتتاردى، سونىڭ ىشىندە قالاعا جاقىن اۋماقتاردى قامتيتىن جاڭا قوعامدىق كولىكتەردى كوردى.

№23 جانە 78ء-شى باعىتتاعى قوعامدىق كولىكتەر قىرعاۋىلدى – بەساعاش جانە ساياحات اۆتوبەكەتى – جالپاقساي ەلدىمەكەنى باعىتتارى بويىنشا جۇرەدى، كۇنىنە ورتاشا ەسەپپەن، 15 مىڭعا دەيىن جولاۋشى تاسىمالدايدى. مەگاپوليس باسشىسى سۋبسيديا ءبولۋ ارقىلى جىلجىمالى قۇرامدى جاڭارتقان اۆتوپاركتەرگە قولداۋ كورسەتىلەتىنىن ايتتى. دەگەنمەن، تاسىمالداۋشىلار جۇرگىزۋشىلەردىڭ مادەنيەتىن جانە قىزمەت كورسەتۋ ساپاسىن ارتتىرۋلارى ءتيىس.

«ءبىز اۆتوبۋستارعا بارىنشا جاقسى جاعداي جاساپ جاتىرمىز. قالا بيۋدجەتىنەن اقشا دا ءبولىپ جاتىرمىز. سوندىقتان ساپاسىنا دا ايرىقشا كوڭىل ءبولۋ كەرەك. اۆتوبۋسپەن جۇرەتىن ادامدار سانى ءقازىردىڭ وزىندە ءوسىپ جاتىر. ونى وزدەرىڭىز دە بايقاعان شىعارسىزدار، ءبىز بۇل ءۇردىستى بارىنشا قولدايتىن بولامىز»، – دەدى الماتى قالاسىنىڭ اكىمى باۋىرجان بايبەك.

بۇلاردان وزگە، «ولجاس LTD» اۆتوپاركى جىلجىمالى قۇرامنىڭ تاعى ءتورت بىرلىگىن ساتىپ العان. سىيىمدىلىعى ورتاشا اۆتوبۋستار №62 باعىت بويىنشا جۇرەدى، جولاۋشى اعىنى ارتقاندىقتان، بۇرىنعى جاڭارعان اۆتوبۋستاردىڭ قاتارىن تولىقتىرادى.

جالپى، جىل اياعىنا دەيىن جاڭارعان قوعامدىق كولىكتىڭ ۇلەسىن 80 پايىزعا دەيىن جەتكىزۋ جوسپارلانعان.