الاتاۋ اۋدانىنىڭ 10 جىلدىعىنا وراي ارداگەرلەر كونسەرت ۇيىمداستىردى. حالىق اندەرى شىرقالىپ، ءداستۇرلى كۇي مەن جىردان شاشۋ شاشقان بەلسەندى تۇرعىندار وسىلايشا، جاستارعا ۇلگى كورسەتتى. «اجەلەر» ءانسامبلى، «ەرلەر قاۋىمى» توبى، «ارداگەرلەر» ۆوكالى سىندى ونەرپازدار ۇلتتىق قۇندىلىقتارىمىزدى ناسيحاتتادى.

اكىمدىكتىڭ جوسپارىنا ساي، قىركۇيەك ايىندا اۋدانداعى بارلىق مەكتەپتەردە مەرەكەلىك شارالار ۇيىمداستىرىلعان. قالاداعى ەڭ بەلسەندى ارداگەرلەر قالىڭ كوپشىلىكتىڭ ىستىق ىقىلاسىنا بولەندى.  

«العاشقى الاتاۋ اۋدانى قۇرىلعان ۋاقىتتا 3 800 زەينەتكەر بار ەدى. ءقازىر الاتاۋ اۋدانىندا 16 120 زەينەتكەر بار. ولاردىڭ 17ء-ى سوعىس ارداگەرى، 666-ى – تىل ەڭبەككەرى. مىنەكەي، ءبىزدىڭ قارتتارىمىز دا ءاربىر ءىس-شارادا سول بەلسەندىلىگىمەن الدا كەلەدى. 8 اۋداننىڭ ىشىندە ءبىزدىڭ اۋدانىمىز سپورتتان دا، مادەني شارالاردان دا سوڭعى 5 جىلدا ىلعي ءبىرىنشى ورىن الىپ كەلە جاتىر»، – دەدى

الاتاۋ اۋداندىق ارداگەرلەر كەڭەسىنىڭ ءتوراعاسى قۇدايبەرگەن قابدوللين.

«10 جىلدىق مەرەكەمىز قۇتتى بولسىن! اۋىلىمىز امان بولسىن، ەلىمىز تىنىش بولسىن! بالا-شاعامىز وسىپ-وركەندەپ، وسى الاتاۋ اۋدانىندا وسە بەرسىن، وركەندەي بەرسىن! قانات جايىپ، الاتاۋ اۋدانى كوگەرىپ، كوكتەي بەرسىن!»، – دەيدى  قارت تۇرعىنتۇراحان سارسەنبايەۆا.