شوۋ دۇيسەنبى مەن جۇما ارالىعىندا كۇن سايىن ساعات 15.00-دە كورسەتىلەتىن بولادى.

15 قازاننان باستاپ ساعات 15.00-دە «31 ارنادا» ەلىمىزدەگى ەڭ جوعارى رەيتينگكە يە «كەلىندەر بايگەسى» رەاليتي-شوۋى ەفيرگە شىعادى. جىل وتكەن سايىن توي وتكىزۋگە دەگەن تالاپ كۇشەيىپ، جاڭا ترەندتەر پايدا بولىپ، جوباعا قاتىسۋشىلار سانى دا ارتىپ كەلەدى. سول سەبەپتى ءبىز دە ۇيلەنۋ تويىنا ارنالعان داستۇرلەردى جاڭعىرتىپ، زامان تابالىنا ساي جاڭارتۋدى قولعا الدىق.

«كەلىندەر بايگەسى» جوباسىنىڭ جاڭا ماۋسىمىندا ەلىمىزدىڭ الماتى، قىزىلوردا، شىمكەنت جانە سارىاعاش سەكىلدى قالالارىنداعى قالىڭدىقتارعا باسىمدىق بەردىك.

الماتى قالاسىندا ءتۇرلى ۇلت وكىلدەرىنىڭ نتەرناسيونالدى تويلارى ءجيى وتەدى. ماسەلەن، التىنشى ماۋسىمدى ارنامىزدىڭ كورەرمەندەرى ۇيعىر مەن كورەي حالىقتارىنىڭ قۇدالاسقانىنا كۋا بولادى. پروديۋسەرلەردىڭ ايتۋىنشا، جوباعا، نەگىزىنەن، 18-28 جاس ارالىعىنداعى قالىڭدىقتار قاتىسادى.

"كەلىندەر بايگەسىنىڭ" جاڭا ماۋسىمىندا قالىڭدىقتار تويدى ۇيىمداستىرۋ جۇمىستارىن تولىقتاي ءوز مويىندارىنا الىپ، ەگجەي-تەگجەيىنە دەيىن وزدەرى ويلاستىرادى. ال اعايىن-تۋىس تويعا تەك قانا قوناق بولىپ كەلەدى.

"ءبىز جىل سايىن جوباعا قاتىسۋشىلار ىرىكتەيمىز. قالىڭدىق تاڭداعاندا ناقتى ءبىر تالاپتاردى باسشىلىققا المايمىز. جوبا قازاق تىلىندە جۇرەدى. الايدا ءورىستىلدى اۋديتوريا ءۇشىن باعدارلامانى تيتر ارقىلى ورىسشاعا اۋدارىپ ۇسىنامىز. قازىرگى تاڭدا تويدى اركىم ءىرتۇرلى فورماتتا وتكىزەدى. الايدا ءبىزدىڭ جوبا قالىڭ كوپشىلىككە جاڭادان سانگە ەنگەن جورالعىلار مەن ۇلتتىق سالت-داستۇرلەرلى ۇيلەستىرىپ ۇسىنعاندى ءجون كورەدى»، - دەيدى «31 ارنانىڭ» باس پروديۋسەرى نۇرجان مۇحامەدجانوۆا.

جىل وتكەن سايىن قاتىسۋشىلاردىڭ توي ۇيىمداستىرۋ تاجىريبەلەرى ارتىپ، سىني كوزقاراستارى كۇشەيىپ كەلەدى. اسىرەسە بەزەندىرۋ مەن داستارقاندى اسپەتتەۋ جۇمىستارىنا كەلگەندە ەرەكشە تالعامپازدىق كورسەتۋدە. جوبا جاساۋشىلاردىڭ ايتۋىنشا، قازىرگى جاستار مەرەكەلىك باعدارلامانىڭ بىرەگەيلىگىنە، پايدالى تاعامدار مەن جاندى مۋزىكالارعا ەرەكشە ءمان بەرەتىن بولعان.

«كەلىندەر بايگەسى» جوباسىنىڭ ءاربىر جاڭا ماۋسىمى – توي يندۋسترياسىنداعى جاڭا جورالعىلار مەن جاڭا ۇدەرىستەرگە تولى. اسىرەسە، قىزىلوردالىقتاردىڭ تويدى قالاي وتكىزەتىنىن ەرەكشە اتاپ وتكىم كەلەدى. ول جاقتىڭ قالىڭدىقتارىنىڭ ءبارى پىسىق ءارى «ەر مىنەزدى» ەكەن. ءوز تويلارىنا ەرەكشە كوڭىل ءبولىپ، توي سالتاناتىنىڭ ءاربىر بولشەگىنە اسقان جاۋاپكەرشىلىكپەن قارايدى. بۇل قالانىڭ تويلارى كوڭىلدى وتەدى. قوناقتاردىڭ توي كەزىندەگى جارىستارعا وتە بەلسەندى قاتىساتىندارى قاتتى ۇناپ قالدى»، - دەيدى جوبانىڭ پروديۋسەرى جۇلدىز كيليبايەۆ.

رەاليتي-شوۋدىڭ ەرەجەسى بويىنشا ەلىمىزدىڭ ءارتۇرلى قالالارىنان جينالعان ءتورت قالىڭدىق ءبىر-بىرىنىڭ تويىنا قاتىسىپ، تويدىڭ ۇيىمداستىرىلۋ دەڭگەيىنە ءوز باعاسىن بەرەدى. سونىمەن بىرگە، جوبا بارىسىندا «31 ارنانىڭ» كورەرمەندەرى توي ساراپشىلارىنان كاسىبي كەڭەستەر الادى. ماۋسىمنىڭ قورىتىندىسى بويىنشا ەڭ ۇزدىك توي يەسى دەپ تانىلعان جەڭىمپازدار سىيلىققا ارنامىزدىڭ اتىنان بال ايىنا جولداما الادى.

شوۋ دۇيسەنبى مەن جۇما ارالىعىندا كۇن سايىن ساعات 15.00-دە كورسەتىلەتىن بولادى.