الماتىدا مۇمكىندىگى شەكتەۋلى ازاماتتار اراسىندا شاعىن فۋتبولدان تۋرنير ءوتتى. ەكى جىلدان بەرى ۇيىمداستىرىلىپ كەلە جاتقان جارىستا بيىل تەك قالالىق ينتەرناتتىڭ تاربيەلەنۋشىلەرى عانا ەمەس، وبلىس جاستارى دا ب ا ق سىنادى. الادوپ باسەكەسىندە جەڭىسكە جەتكەن كومانداعا پولشادا وتەتىن دوداعا جولداما بەرىلەدى.

ەلدوستىڭ بالا كەزىنەن فۋتبولعا دەگەن قىزىعۋشىلىعى جوعارى. بوس ۋاقىتىندا دوستارىمەن جينالىپ، دوپ تەبەدى. 22 جاستاعى بوزبالا بىلتىر دا شاعىن فۋتبولدان وتكەن جارىسقا قاتىسقان. ول جاستار كومانداسىندا وينايدى. وسىدان بىرنەشە اي بۇرىن ولار پولشادا وتكەن حالىقارالىق ليگادا باعىن سىناپتى.  

«ول جاقتا باستى قارسىلاس رەسەي، گەرمانيا بولدى. ءبارىمىز بىرگە بالا كەزدەن قاتىسىپ كەلە جاتقان كوماندامىز ەكىنشى وتباسىمىز سياقتى بولىپ كەتتى. بىرگە كۇلىپ-ويناپ، دايىندالىپ، باراتىن جەرىمىزگە بىرگە باراتىنىمىز ۇنايدى»، – دەيدى ەلدوس امىربەك.

قالادا ءوتىپ جاتقان شاعىن فۋتبول تۋرينيرىندە سپورتشىلاردىڭ جاس ەرەكشەلىگىنە شەكتەۋ قويىلماعان. مۇندا 18 جاستان اسقان ازاماتتار قاتىسادى.

«ءبىزدىڭ ءوز ورتامىزدا مۇگەدەكتەرگە دەگەن كوزقاراستىڭ وزگەرىپ جاتقانى قۋانتادى. ينتەرنات ۇيىندە تۇراتىن مۇگەدەكتەردىڭ سپورتقا دەگەن قىزىعۋشىلىعى ويانىپ كەلەدى. ولار وتكەن جىلى پولشاعا بارىپ، ەل كورىپ قايتتى. بيىل دا ءىس-شاراعا قاتىساتىن ادامدار سانىن كوبەيتۋ بولىپ تۇر»، – دەدى الماتى قالاسى جۇمىسپەن قامتۋ جانە الەۋمەتتىك باعدارلامالار باسقارماسىنىڭ باسشىسى مەيىرجان وتىنشييەۆ.

بيىلعى شاعىن فۋتبول ءتۋرنيرى قاتىسۋشىلار سانىنىڭ كوپتىگىمەن ەرەكشەلەنەدى. ودان بولەك، تەك الماتىلىق جاستار عانا ەمەس، الماتى وبلىسىنىڭ سپورتشىلارى دا سىنعا ءتۇسىپ جاتىر. 12 كوماندا قاتىسقان الادوپ باسەكەسىندە جەڭىسكە جەتكەندەر پولشادا وتەتىن سپورت دوداسىندا ەلىمىزدىڭ نامىسىن قورعاۋعا بارادى.