ون ساۋساعىنان بال تامعان اسپازدار ءوزارا سايىستى. ەكى كۇنگە سوزىلعان جارىسقا الەمنىڭ ءار تۇكپىرىنەن 70-كە جۋىق اسپاز كەلگەن.

قىزۋ شايقاس اشىق اسپان استىندا كورەرمەندەر مەن جانكۇيەرلەر الدىندا ءوتتى. اسپازدارعا قويىلعان نەگىزىگى تالاپ – بۇرىن سوڭدى ەشكىم تاتىپ كورمەگەن تاعام ازىرلەۋ. ولارعا تاڭسىق استى دايىنداۋعا بار-جوعى، 30 مينۋت قانا بەرىلدى. سونداي-اق، ءادىلقازىلار القاسى استىڭ ۇسىنىلۋىنا دا، ەرەكشەلىگىنە دە اسا ءمان بەردى. ايتا كەتۋ كەرەك، شارانىڭ شىمىلدىعىن اسپازدىقتى ەندى عانا باستاپ جۇرگەن ستۋدەنتتەر باستادى. 14 بالا سىناقتان ءوتىپ، اتى الەمگە ءماشھۇر تاماق ءپىسىرۋ شەبەرلەرىنەن ساباق ۇيرەنۋگە مۇمكىندىك الدى.  

«بارلىعى وتە جاقسى ءوتتى. سايىس ۇنادى. مەن بۇگىن بودەنەنىڭ جۇمىرتقاسىن اشىق وتتا قۋىردىم. ارينە، ءدامدى شىقپاي قالا ما دەگەن قورقىنىش، ۋايىم بولدى. دەگەنمەن، العا قويعان ماقساتتى ورىنداي الدىم. بارلىعى كەرەمەت بولدى، كەلگەن قوناقتارعا راحمەت ايتامىن. تاپسىرمانى ءتيىستى ۋاقىتتا اياقتادىم. ناتيجە جاقسى دەگەن ويدامىن»، – دەدى اسپاز ناريمان ەرجانوۆ.

«مەن 3 جىل قاتارىنان قاتىسىپ كەلەمىن. وتكەن جىلى گران-پري جۇلدەسىن، التىن مەدالدى جانە كۋبوكتى يەلەندىم. بيىل سۋشي دايىندايتىن اسپازدى سايىسقا دايىندادىم. مىنە، بۇگىن ول جارىسقا قاتىستى. ماعان دا بودەنەنىڭ جۇمىرتقاسى ءتۇستى. مەن جۇمىرتقا قوسىپ، كوتلەت دايىندادىم»، – دەيدى اسپاز انتون كورنيلوۆ.