الماتى قالاسىنداعى ق ر قم راديوەلەكترونيكا جانە بايلانىس اسكەري-ينجەنەرلىك ينستيتۋتىنىڭ ساپتىق الاڭىندا 274 اسكەري مىندەتتىلەردى (زاپاستاعى وفيسەرلەر) سالتاناتتى تۇردە شىعارىپ سالۋ جانە جيىندى اياقتاعانى بويىنشا سەرتيفيكاتتار تاپسىرىلدى. سالتاناتتى كەشتە ينستيتۋت باستىعى پولكوۆنيك مۇستابەكوۆ اسقار دوسبوسىن ۇلى وقۋ ۇدەرىسى كەزەڭىندە ۇزدىك ناتيجە كورسەتكەن زاپاستاعى وفيسەرلەردى گراموتالارمەن ماراپاتتاپ، العىسىن ءبىلدىردى.

اسكەري مىندەتتىلەردى قۇتتىقتاپ، سەرتيفيكاتتار تاپسىرۋعا اۋە قورعانىسى كۇشتەرىنىڭ باس قولباسشىسىنىڭ ورىنباسارى پولكوۆنيك جۇماگازييەۆ مۇراتجان تەمىر ۇلى، گەنەرال-مايور ورىنبەكوۆ مۇباراك ورىنبەك ۇلى، گەنەرال-مايور ستارىش اناتوليي تريفونوۆيچ قاتىستى.

2018 جىلدىڭ 12 قىركۇيەگى مەن 12 قازان ارالىعىندا ەلىمىزدە تۇڭعىش رەت قورعانىس مينسترلىگىنىڭ بەكىتىلگەن كەشەندى جوسپارى بويىنشا اۋە قورعانىسى كۇشتەرى، راديوەلەكترونيكا جانە بايلانىس اسكەري-ينجەنەرلىك ينستيتۋتىنىڭ وقۋ ورتالىعىندا 300-دەي اسكەري مىندەتتىلەرمەن (زاپاستاعى وفيسەرلەر) ءبىر ايلىق جيىن ءوتتى.

ءبىر اي بويى جيىنعا قاتىسۋشى اسكەري مىندەتتىلەر راديوتەحنيكالىق اسكەرلەر، بايلانىس جانە راديوناۆيگاسيا، اۋە شابۋىلىنا قارسى قۇرلىق اسكەرلەرى جانە زەنيتتى زىمىراندى اسكەرلەر ماماندىقتارى بويىنشا بىلىمدەرىن شىڭدادى. جيىنعا راديوەلەكترونيكا جانە بايلانىس اسكەري-ينجەنەرلىك ينستيتۋت باستىعىنىڭ جاۋىنگەرلىك دايىندىق جونىندەگى ورىنباسارى-باسقارما باستىعى پولكوۆنيك ولجابايەۆ مۇرات قۋاتبەك ۇلى جەتەكشىلىك ەتتى.

جيىننىڭ نەگىزگى ماقساتى: اسكەري مىندەتتىلەردىڭ بەيبىتتەن سوعىس ۋاقىتىنا كوشىرۋ كەزىندە بارلىق زاپاستاعى وفيسەرلەردىڭ فۋنكسيونالدىق مىندەتتەرىن ءبىلۋ دەڭگەيلەرىن جەتىلدىرۋ جانە جاۋىنگەرلىك ازىرلىگى مەن كومانديرلەردىڭ قويىلعان تاپسىرمالارىن ورىنداۋ قابىلەتتىلىگىن تەكسەرۋ، سونداق-اق شەشىم قابىلداۋدا ۇيلەسىمدىلىكتى ارتتىرۋ بولىپ تابىلادى.

وقۋ ۇدەرىسى كەزەڭىنىڭ العاشقى اپتاسىندا جالپى اسكەري دايىندىق بويىنشا اسكەري ينستيتۋتتىڭ بىلىكتى قىزمەت باستىقتارى دارىستەرمەن ءتۇسىندىرۋ جۇمىستارىن جۇرگىزسە، قالعان ءۇش اپتا بويى ماماندىقتارى بويىنشا بىلىمدەرىن شىڭدادى. اسكەري مىندەتتىلەرگە ينستيتۋتىمىزدىڭ ۇزدىك وقىتۋشى-پروفەسسورلار قۇرامى ءدارىس جۇرگىزدى.

جالپى ءبىر ايلىق جيىنعا ەلىمىزدىڭ بارلىق وبلىستارىنان شاقىرىلعان جاس شاماسى 22-40 ارالىعىنداعى اسكەري مىندەتتى زاپاستاعى وفيسەرلەر قاتىستى. كوبى ەلىمىزدىڭ كوركەيۋىنە قىزمەت اتقارىپ جۇرگەن مامان يەلەرى. شاقىرۋشىلاردىڭ الدىڭعى قاتارى مەملەكەتتىك قىزمەتكەرلەر، جەكە كاسىپكەرلەر، بيزنەسمەندەر، اۋىلشارۋاشىلىق جەر يەلەرى، مۇناي، گاز سالاسى ماماندارى، وقۋ-ورنىندارىنىڭ وقىتۋشىلارى قۇرايدى.

ءراسىم بارىسىندا ينستيتۋت وركەسترىنىڭ سۇيمەلدەۋىمەن پلاس-كونسەرت، قارۋمەن دەمونستراسيا كورسەتىلەدى.