«ParsToday» يران تەلەراديو بىرلەستىگىنىڭ  حابارلاۋىنشا ەكى ەل باتىستىڭ قىسپاعىنان شىعۋدىڭ ءبىر ءتيىمدى جولى ءوزارا ساۋدا-ەكونوميكالىق قاتىناستارىن كۇشەيتە وتىرىپ، ءبىر-بىرىنىڭ قاجەتتىلىكتەرىن وتەۋ دەپ ۇيعارىپ وتىر. كەشە تەگەراندا يران ۇلتتىق ستاندارتتار ۇيىمىنىڭ باسشىسى نيرە پيرۋزباحت رەسەيدىڭ اككرەديتتەۋ ورتالىعىنىڭ باسشىسى الەكسەي حەرسونسيەۆپەن كەزدەسۋىندە وسىنداي رەسمي مالىمدەمە جاساعان.

يران مەن رەسەي بارلىق سالالار بويىنشا مەموراندۋمدار جاساپ، تەگەران مەن ماسكەۋ اراسىندا ساۋدا جەڭىلدىكتەرى ارتاتىنىن ايتىپ وتىر.

ءوز كەزەگىندە رەسەي وكىلى الەكسەي حەرسونسيەۆ تە يرانمەن ساۋدا ىستەرىن جەڭىلدەتۋ ءۇشىن رەسەيدەن ازىق-تۇلىك قانا ەمەس، ءتۇرلى نىساندار مەن ەلەكتروندى قۇرالداردان تۇراتىن كەيبىر زەرتحانالارىنىڭ يراننىڭ ۇلتتىق ستاندارتتار ۇيىمى تاراپىنان رەسمي تۇردە قابىلداناتىندىعىنا ءۇمىت ءبىلدىردى.

سونىمەن قاتار رەسەي جاعى «حالال» برەندىمەن شىعاتىن ونىمدەردى سەرتيفيكاتتاۋ ءۇشىن اككرەديتتەۋ ورگانىن قۇرۋدى دا ۇسىندى.

رەسەي فەدەرالدىق كەدەن قىزمەتىنىڭ ستاتيستيكالىق مالىمەتتەرىندە ەكى ەلدىڭ 2017 جىلعى ساۋدا اينالىمىنىڭ كولەمى 1 ملرد 400 ملن اقش دوللارىن قۇراعانى ايتىلعان. مۇنىڭ ءوزى از كورسەتكىش بولماعاندىقتان، الدا يران مەن رەسەي ساۋدا-ەكونوميكالىق قاتىناستاردى ودان ارى كۇشەيتىپ، بىر-بىرىنە قولداۋ جاساۋعا مۇددەلى ەكەندىكتەرىن كورسەتىپ وتىر.