بۇل جونىندە بۇگىن ەلباسىنىڭ قازاقستان حالقىنا جولداۋى بارىسىندا ءمالىم بولدى. بۇرىن اتالمىش وڭىردە مەملەكەتتىك قىزمەتتەگى ءبىر ورىنعا 2 ادام عانا نيەت بىلدىرگەن.

ەلباسى جولداۋ بارىسىندا مەملكەتتىك قىزمەت سالاسىنىڭ ساپاسىنا توقتالدى. قىزمەتكەرلەر سانىن قاجەتىنشە قىسقارتۋ ارقىلى قارجىنى ۇنەمدەپ، ساپالى جۇمىس ىستەيتىن ماماندارمەن تولىقتىرۋ قاجەتتىگىن العا تارتتى.

ق ر ۇكىمەتىنىڭ 2017 جىلعى 29 جەلتوقسانداعى 939 قاۋلىسىنا سايكەس، مەملەكەتتىك اكىمشىلىك قىزمەتشىلەرگە ەڭبەكاقى تولەۋ جۇيەسىنىڭ پيلوتتىق رەجيمى استانا، الماتى قالالارىمەن بىرگە ماڭعىستاۋ وبلىسىنا دا ەنگىزىلگەن بولاتىن. وسىعان وراي، ەلباسى جۇيەگە وزگە وڭىرلەردەن بۇرىن العاشقى بولىپ ەنگەن ايماقتىڭ باسشىسىنان بۇل جوبانىڭ ناتيجەلەرىن سۇرادى.

-نۇرسۇلتان ءابىش ۇلى، ءوزىڭىزدىڭ بەرگەن تاپسىرماڭىزعا بايلانىستى ناقتى ناتيجەلەر بار. ماڭعىستاۋدا مەملەكەتتىك قىزمەتكەرلەردىڭ جالاقىسى 2،5 ەسە كوبەيدى. 84 مەملەكەتتىك قىزمەتكەر قىسقارتىلدى، ونىڭ 24ء-ى باسشىلار. بۇرىن ءار مەملەكەتتىك قىزمەتكە 2 ادامنان كەلسە، ءقازىر 16 ادامعا دەيىن جەتتى. مەملەكەتتىك قىزمەتتىڭ دەڭگەيى 4 ەسە ءوسىپ، ارىز-شاعىمدار سانى 3 ەسە ازايدى. سونىمەن قاتار بۇگىندە وپتيميزاسيانىڭ ارقاسىندا مەكتەپتەردە، مەديسينا سالاسىندا 536 ملن تەڭگە ەكونوميا شىعىپ وتىر. قۇرىلىس سالاسىنا دا ۆەب-تەحنولوگيانى ەنگىزە وتىرىپ، 1،8 ملرد تەڭگە ۇنەمدەۋگە مۇمكىندىگىمىز بار. قاجەتسىز جوبالاردى توقتاتۋدىڭ ناتيجەسىندە بۇگىندە 4 ملرد تەڭگەگە دەيىن بيۋدجەت قارجىسى ۇنەمدەلەدى دەپ جوسپارلاپ وتىرمىز، — دەدى ماڭعىستاۋ وبلىسىنىڭ اكىمى ەرالى لۇقپان ۇلى.