ماڭعىستاۋلىق بەلگىلى شاحماتشى ساعىندىق رابايەۆتى ەسكە الۋعا ارنالعان «Aktau Chess Open-2018» حالىقارالىق ءتۋرنيرى 12-14 قازان كۇندەرى «اباي» مادەني-دەمالىس كەشەنىندە ءوتتى.

شارانىڭ سالتاناتتى اشىلۋ راسىمىندە ماڭعىستاۋ وبلىستىق ءماسليحات حاتشىسى س.ترۇموۆ، مو ءماسليحات دەپۋتاتى ق.ءابدىراحمان، «نۇر وتان» پارتياسى موف ءتوراعاسىنىڭ ءبىرىنشى ورىنباسارى ن.تۇمىشيەۆ قۇتتىقتاۋ لەبىزدەرىن ءبىلدىردى. تۋرنير دارەجەلى شاحماتشىلاردىڭ (گروسسمەيستەرلەر مەن سپورت شەبەرلەرىنىڭ) قاتىسۋىمەن ەرەكشەلەندى.

ء-تۋرنيردى ەلىمىزگە بەلگىلى ماڭعىستاۋلىق شاحماتشى، شاحماتتان سپورت شەبەرلىگىنە ۇمىتكەر ساعىندىق رابايەۆتىڭ قۇرمەتىنە ەسكە الۋ شاراسى رەتىندە ارنادىق. قازاقستاندىق شاحماتتىڭ قالىپتاسۋى مەن دامۋىنا وزىندىك ۇلەسى بار ساعىندىق رابايەۆتى كورگەن ازاماتتار ونىڭ كىشىپەيىلدىلىگى مەن ادامگەرشىلىك قاسيەتىن ەرەكشە اتايدى. سونداي جانداردىڭ ءبىرى ەكەنىمە قۋانامىن. ونىڭ ايىرىقشا تاپقىرلىعى مەن ەستە ساقتاۋ قابىلەتى، تالانتى مەن تالابى زامانىندا كوپتىڭ ىقىلاسىنا شابىت بەرگەنى راس، — دەدى س.رابايەۆتىڭ دوسى ءابدىراحمان قۋانىشبەك.

ساعىندىق رابايەۆ 1962 جىلدىڭ 27 قىركۇيەگىندە وزبەكستان رەسپۋبليكاسى، قاراقالپاقستان، حوجەلى قالاسىندا دۇنيەگە كەلگەن.

1969 جىلى حوجەلى قالالىق ا.پ.چەحوۆ اتىنداعى جالپى ءبىلىم بەرەتىن ورتا مەكتەپ تابالدىرىعىن اتتاپ، 1979 جىلى وزات تۇلەك قاتارىندا ءبىتىرىپ شىعادى.

1979 جىلى قاراعاندى پوليتەحنيكالىق ينستيتۋتىنىڭ «ازاماتتىق جانە ونەركاسىپتىك قۇرىلىس فاكۋلتەتىنە» وقۋعا تۇسەدى.

شاحماتقا قىزىعۋشىلىعى باسىم س.رابايەۆ ينستيتۋت قابىرعاسىندا شاحمات سەكسياسىنىڭ بەلسەندىسى بولدى. ستۋدەنتتىك كەزىندە-اق 1984-1985 جىلدارى ەكى جىل قاتارىنان قاراعاندى قالالىق شاحمات ءتۋرنيرىنىڭ چەمپيونى اتاندى.

1985 جىلى جوعارى وقۋ ورنىن ينجەنەر-قۇرىلىسشى ماماندىعىمەن اياقتاپ، ەڭبەك جولىن «تاحياتاشگيدروەنەرگوستروي» قۇرىلىس باسقارماسىنان باستاعان. وندىرىستىك-تەحنيكالىق ءبولىمنىڭ تەحنيگى قىزمەتىنە قابىلدانعان.

وزبەكستان رەسپۋبليكاسىنىڭ تۋرنيرلەرىندە ەكى دۇركىن چەمپيون بولعان.

2001 جىلى اتا قونىس ماڭعىستاۋعا ورالىپ، «ۆيزير» جاۋاپكەرشىلىگى شەكتەۋلى سەرىكتەستىگىنە باس مامان قىزمەتىنە ورنالاسقان.

2003-2005 جىلدار ارالىعىندا «التىنقۇرىق» جاۋاپكەرشىلىگى شەكتەۋلى سەرىكتەستىگىنىڭ باس ينجەنەرى قىزمەتىن اتقارعان.

سايىسقا قازاقستانمەن قاتار رەسەي، ءازىربايجان، بەلورۋس، وزبەكستان شاحماتشىلارى دا قاتىستى.

ءتۋرنيردىڭ العاشقى كۇنىندە بەلگىلى شاحماتشى، «قارا قابىلان» («چەرنايا پانتەرا») لاقاپ اتىمەن ونەر كورسەتىپ جۇرگەن بەس دۇركىن الەم چەمپيونى ءبيبىسارا اساۋبايەۆا 13 جاس شاحماتشىمەن ءبىر مەزەتتىك كەزدەسۋ وتكىزدى.

سايىستىڭ العاشقى 2 كۇنى راپيد تۋرنير، جابىلۋ راسىمىندە بليس تۋرنير ۇيىمداستىرىلدى. جەڭىمپازدارعا ديپلومدار مەن اقشالاي سىيلىقتار تابىستالدى.