جۇڭگو بيلىگى بىرنەشە جىلدان كەيىن  انتاركتيدادا مۇز ۇستىندە اۋەجاي سالۋدى كوزدەپ وتىر. ال مۇنىڭ قاجەتى نە دەرسىز؟ بىرنەشە الپاۋىت مەملەكەتتەر شيرەك عاسىر بويى انتاركتيداعا اۋىز سالىپ، مۇنداعى مول بايلىقتى يەمدەنۋگە تىرىسىپ جاتىر. رەسەي ۇكىمەتى مۇزدى وڭىرگە ارنايى ەكسپەديسيا جىبەرىپ، ءقازىردىڭ وزىندە بۇل جوبانى ءقىرى كولەمدە قارجىلاندىرىپ وتىر.  ويتكەنى  اتالعان مۇزدى ايماقتا مۇنايدىڭ مول قورى بار. سوندىقتان تاياۋداعى بولاشاقتا انتاركتيداداعا كەلگەن تۋريستىك توپتار مەن ارنايى ەكسپەديسيا ماماندارى قىتايلىقتار سالعان اۋەجايعا قوناتىن بولادى.

قىتايدىڭ «كەسزي جيباو» باسىلىمىنىڭ حابارلاۋىنشا، اۋەجايدا ۇشۋ جولاعى مەن اۋە تەرمينالى ورنالاسادى. وعان ءبىراق بىرنەشە جىل ۋاقىت كەتەدى. الايدا مۇز ۇستىنە اۋەجايدى سالۋ ءۇشىن الدىمەن بىرنەشە مەملەكەتپەن كەلىسىپ الۋ  قاجەت.  ويتكەنى اۋە جولىنىڭ قاششىقتىعى ۇزاق بولۋىنا  قاتىستى انتاركتيداعا جەتكەنشە، قىتايدىڭ سيۋەين 601” ۇشاعى بىرنەشە جەرگە ايالداۋى كەرەك.

ەسكەرتە كەتەيىك، انتاركتيدانىڭ جەر كولەمى – 14 ميلليون شارشى شاقىرىم. مۇنداعى مۇزدىڭ قالىڭدىعى – 5000 مەتر. ازىرگە مۇز باسقان ولكەدە شامامەن العاندا، 7 ميلليارد توننا مۇناي مەن 4 تريلليون تەكشەمەتر گاز بارى انىقتالىپ وتىر