قازاقستان رەسپۋبليكاسىنىڭ پرەزيدەنتى بيىلعى 5 قازانداعى قازاقستان حالقىنا جولداۋى بارىسىندا «7-20-25» باعدارلاماسىنا قازاقستاندىقتاردىڭ بەلسەنەن ارالاسپاعانىن ايتىپ، شەنەۋنىكتەردى سىناعان بولاتىن. وسىعان وراي باعدارلامانى حالىققا ءتيىمدى ەتىپ جاساۋدىڭ جولدارىن ىزدەۋدى تاپسىردى. نۇرسۇلتان نازاربايەۆتان ءسوز ەستىگەن شەنەۋنىكتەر بىردەن ىسكە كىرىسىپ كەتتى. قازاقستان ازاماتتارى ەندىگى «7-20-25» باعدارلاماسى ارقىلى وڭاي ءارى ءتيىمدى جولمەن پاتەر الۋ مۇمكىندىگىنە يە بولدى. ەڭ قىزىعى، قازاقستاندىقتار اقشالارىن ۇنەمدەيدى. سەەيۋى ەلىمىزدە 50 مىڭعا جۋىق تۇرعىن ءۇي سەرتيفيكاتتارى ىسكە قوسلماق. ماقساتى - العاشقى جارنانى ارزانداتۋ. ال 2018 جىلدىڭ اياعىنا دەيىن جالپى سانى 10 مىڭ سەرتيفيكات باعدارلاماعا قاتىسۋعا نيەتتى ازاماتتارعا بەرىلمەك.
شەنەۋنىكتەر وسىلايشا باعدارلاما بويىنشا ءۇي العىسى كەلەتىن ازاماتتارعا ۇلكەن جەڭىلدىك جاساعىسى كەلدى. ءار وبلىس اكىمى اتالمىش سەرتيفيكاتتاردى ءوز ءوڭىرىنىڭ تۇرعىندارى اراسىندا بەرەدى.
«باسپانا» يپوتەكالىق ۇيىمىنىڭ باسشىسى قايرات التىنبەكوۆتىڭ ايتۋىنشا، جەرگىلىكتى بيۋدجەتتەن جەڭىلدەتىلگەن يپوتەكانىڭ العاشقى جارناسىن سۋبسيديالاۋ بويىنشا ارەكەت ەتۋدى مەملەكەت باسشىسىنىڭ ءوزى تاپسىرعان. ءارى مۇنداي سەرتيفيكاتتى الاتىن ماماندىق يەلەرىن دە اتاپتى.
«نازاربايەۆتىڭ تاپسىرماسى بويىنشا، تۇرعىن ءۇي سەرتيفيكاتتارىن بەرۋ مۇعالىمدەر، دارىگەرلەر، پوليسيا قىزمەتكەرلەرى جانە وزگە دە جەرگىلىكتى وڭىرلەرگە قاجەتتى ماماندىق يەلەرى ءۇشىن يپوتەكانىڭ قولجەتىمدىلىگى ارتا تۇسپەك»، - دەدى قايرات التىنبەكوۆ باسپا ءسوز كونفەرەنسياسى كەزىندە.
بۇعان قوسا، العاشقى جارنانى ازايتۋ بويىنشا جۇمىس پروسەسىنە «نۇر وتان» پارتياسى قولداۋ كورسەتەتىن بولادى. ءارى سەرتيفيكاتتار وسى اپتادان باستاپ ءار وڭىرلەردە بەرىلە باستايدى.
«7-20-25» سەرتيفيكاتى 1 ميلليون تەڭگەنى قۇرايدى. ال قازاقستان ازاماتتارىن «7-20-25» باعدارلاماسىنا قاتىسۋعا ىنتالاندىرۋ ءۇشىن بيۋدجەتتەن كەمىندە 50 ميلليارد تەڭگە بولىنەدى»، - باسپانا» يپوتەكالىق ۇيىمىنىڭ باسشىسى.
ايتا كەتەيىك، بۇعان دەيىن دە العاشقى جارنانى ازايتۋ ماقساتىندا شارالار قولدانىلعان. قىركۇيەكتە «7-20-25» باعدارلاماسى اياسىندا «جاس ارمان» مەن «قامقور باسپان» ونىمدەرى ازىرلەنگەن ەدى. ال ەندى وسى ونىمدەر بىرىكتىرىلىپ، العاشقى جارنانى جەڭىلدەتۋ ماقساتىندا 1 ميلليون تەڭگەلىك سەرتيفيكات ازىرلەندى.
ايتا كەتەيىك، بانكتەر بيىل شىلدە ايىنان باستاپ «7-20-25» باعدارلاماسى بويىنشا يپوتەكالىق نەسيە بەرۋدى باستاپ كەتتى. ال جەڭىلدەتىلگەن يپوتەكانى كىمدەر الا الادى؟ بۇل ساۋالعا ق ر ۇلتتىق بانك ءتوراعاسى دانيار اقىشيەۆ جاۋاپ بەردى. ايتۋىنشا، يپوتەكالىق باعدارلاماعا تۇراقتى جۇمىس بار كەز كەلگەن ادام قاتىسا الادى. الايدا ول ازاماتتىڭ اتىندا باسپانا بولماۋى ءتيىس. جانە نەسيە تاريحى دا دۇرىس بولۋى كەرەك. بۇدان بۇرىن ەلباسى «7-20-25» باعدارلاماسىن جۇزەگە اسىرۋ ءۇشىن ۇلتتىق بانك پەن ۇكىمەت بىرلەسىپ جۇمىس ىستەۋ كەرەك.
«ۇلتتىق بانكتىڭ، ەكىنشى دەڭگەيلى بانكتەر مەن قور نارىعىنىڭ مۇمكىندىكتەرىن ىسكە قوسۋ كەرەك. ۇلتتىق بانك كەمىندە 1 تريلليون تەڭگە قارجىنى تارتاتىن ارنايى كومپانيا قۇرىپ، ونى بانكتەردىڭ جوعارىدا ايتىلعان شارتتارىنا جاۋاپ بەرەتىن جاڭا يپوتەكالىق نەسيەلەرىن ساتىپ الۋعا جۇمساۋى قاجەت. باعدارلامانى جۇزەگە اسىرۋ ناتيجەسىندە ميلليون قازاقستاندىق باسپانا الۋ مۇمكىندىگىنە يە بولادى»، – دەگەن ەدى نۇرسۇلتان نازاربايەۆ.
