الماتىنىڭ تۇركسىب اۋدانىندا مۇمكىندىگى شەكتەۋلى بالالار ءۇشىن «مەيىرىم» اتتى ەرەكشە رەابيليتاسيالىق ورتالىق اشىلدى. «رۋحاني جاڭعىرۋ» باعدارلاماسى اياسىندا الماتىلىق كاسىپكەر قايرات بورانبايەۆ قۇرىلىسقا 2 ملرد. تەڭگە جەكە ينۆەستيسياسىن سالدى.

«مەيiرiم» اتتى جاڭا ورتالىق سەرەبرالدى پاراليچ اۋرۋىنا جانە باسقا دا سىرقاتتارعا ۇشىراعان، ينتەللەكتۋالدىق دامۋى تومەن، سونىمەن قاتار داۋن سيندرومىنا شالدىققان 3-تەن 15 جاس ارالىعىنداعى مۇمكىندىنى شەكتۋەلى بالالارعا ەسەپتەلگەن.

مەكەمەنىڭ ءبىر ەرەكشەلىگى، مۇندا ءار بالا ءۇشىن كوررەكسيالىق جانە رەابيليتاسيالىق دامۋدىڭ جەكە ءادىسى جاسالعان. بالالار كوررەكسيالىق-دامۋ ساباقتارىنا قاتىسادى، ولارعا پسيحولوگيالىق-پەداگوگيكالىق كومەك كورسەتىلەدى، ەمدەۋ فيزكۋلتۋراسى، ماسساج، فيزيوتەراپيا، الەۋمەتتىك-ەڭبەك رەابيليتاسياسى، مۋزىكا، كوركەم جانە ويىن تەراپياسى جۇمىس ىستەيدى.

ورتالىق اۋماعىنا ايرىقشا ينكليۋزيۆتى بالالار الاڭى ورنالاسقان، مۇندا ولار ءتۇرلى جاتتىعۋلار جاسايدى، وزدەرىن تىك ۇستاپ، كوورديناسيالارىن، جالپى جانە شاعىن موتوريكانى، كۇشتەرىن، ەپتىلىگىن، كورۋ قابىلەتتەرىن، تاكتيلدى سەزىنۋلەرىن، جەتىلدىرەدى جانە توپ بولۋعا ويناۋعا بەيىمدەلەدى. جالپى، ورتالىق اينالاسىندا مۇگەدەك ارباسىنداعى جانە مۇمكىندىگى شەكتەۋلى بالالاردىڭ ەش كەدەرگىسىز قوزعالۋى ءۇشىن بارلىق جاعدايلار جاسالعان.

«الەۋمەتتىك قوعامنىڭ باستى ءمانى - ادامداردى جالعىز قالدىرماۋ. مەملەكەت باسشىسى بۇعان ايرىقشا نازار اۋدارۋدا، وسىعان وراي الماتىلىق كاسىپكەرلەردىڭ باسىم كوپشىلىگى «رۋحاني جاڭعىرۋ» باعدارلاماسى اياسىندا مۇنداي الەۋمەتتىك باعدارلامالارعا قولداۋ بىلدىرۋدە. «بولاشاق» قورى قامقورشىلار كەڭەسىنىڭ ءتوراعاسى رەتىندە اۋتيزم پروبلەماسىمەن ءبىز كەڭىنەن اينالىستىق. جەكە قارجىنى تارتا وتىرىپ، ينكليۋزيدى قولداۋدىڭ 20 كابينەتى اشىلدى، ونىڭ 7ء-ى الماتىدا. ءوز كەزەگىندە قالالىق اكىمدىك تارپىنان ءبىز كوشەلەردى اباتتاندىرىپ، بارلىق تۇرعىندار ءۇشىن قولايلى جاعدايلار جاساۋدامىز. ولاردىڭ اراسىنان ءسابيدىڭ ارباسىن سۇيرەگەن انالاردى، قارتتاردى جانە مۇكىندىگى شەكتەۋلى جانداردى كورۋگە بولادى. قازىرگى كەزدە رەكونسترۋكسيا اياسىندا ءبىزدىڭ قالامىز ەرەكشە قولداۋدى قاجەت ەتەتىن ادامدار ءۇشىن بارىنشا قولايلى بولۋدا»، - دەپ اتاپ ءوتتى الماتى اكىمى باۋىرجان بايبەك بالالاردىڭ اتا-انالارىمەن كەزدەسۋدە.

ايتا كەتەرلىگى، الماتىدا الەۋمەتتىك سالانى قارجىلاندىرۋ سوڭعى ءۇش جىلدا 2،5 ەسە ءوستى. بيىلعى جىلى تەك مۇمكىندىگى شەكتەۋلى جانداردى قولداۋعا عانا قالا اكىمدىگى 7 ملرد. تەڭگەدەن استام قارجى ءبولدى.

قازىرگى كەزدە قالادا 23 رەابيليتاسيلىق ورتالىق جۇمىس ىستەيدى، ولاردىڭ تەڭ جارتىسى جەكەنىكى. ءوز كەزەگىندە «مەيiرiم» ورتالىعى 2007 جىلى اكىمدىك ۋاقىتشا پايدالانۋعا بەرگەن №250 بالا باقشا بازاسىنىڭ نەگىزىندە اشىلدى.