دەمالىس كۇندەرى كامەلەتكە تولماعاندار اراسىنداعى قۇقىق بۇزۋشىلىقتىڭ الدىن الۋ ماقساتىندا قالا اۋماعىندا «دەمالىس» جەدەل-الدىن الۋ ءىس-شاراسى وتكىزىلەدى.
«2018 جىلدىڭ 31ء-شى قازانىندا ءبىز تۇنگى ۋاقىتتا كامەلەتكە تولماعان بالالاردى انىقتاۋ ءۇشىن جاستاردىڭ سۇيىكتى دەمالىس ورىندارىنا جەرگىلىكتى رەيدتەر جۇرگىزدىك. سونىمەن قاتار، ءبىز بارلىق مۇددەلى مەملەكەتتىك ورگاندار مەن ۇيىمداردىڭ، بۇقارالىق اقپارات قۇرالدارىنىڭ وكىلدەرىن بارىنشا تارتتىق. بۇل كۇنى جاستار «حەللوۋين» مەرەكەسىن تويلايدى جانە ول ادەتتەگىدەي تۇنگى ويىن-ساۋىق ورىندارىندا ءوتتى. وسىعان بايلانىستى تۇنگى ۋاقىتتا رەيد جۇرگىزدىك، بۇل رەتتە كامەلەتتىك جاسقا تولماعانداردىڭ كوڭىل كوتەرۋ ورىندارىندا جانە تۇنگى ۋاقىتتا زاڭدى وكىلدەرىنسىز ۇيدەن تىس جەرلەردە جۇرگەندىكتەرىن، ىشىمدىك پەن تەمەكى ونىمدەرىن ساتۋ فاكتىلەرىن، ايتقاندى تىڭدامايتىن جاسوسپىرىمدەردى، قۇقىق بۇزۋشىلىقتار مەن تۇرمىسى تومەن وتباسىلاردى جاساۋعا بەيىمدىلەردى انىقتادىق. تەكسەرىس كەزىندە جاسوسپىرىمدەردىڭ اتا-انالارى وزدەرىنىڭ ۇرپاقتارىنىڭ تۇنگى ءومىرىن باقىلامايتىندىعى انىقتالدى جانە ولارعا قولدانىستاعى زاڭناماعا سايكەس شارالار قابىلداندى»، - دەپ حابارلايدى الماتى قالاسى پد جەرگىلىكتى پوليسيا قىزمەتىنىڭ يۋۆەنالدى پوليسيا ءبولىمىنىڭ باستىعى، پوليسيا پولكوۆنيگى لەيلا الىپبايەۆا.
جالپى العاندا، «حەللوۋين» ءتۇنى 105 ءجاسوسپىرىم ءارتۇرلى قۇقىق بۇزۋشىلىقتارى ءۇشىن، ونىڭ ىشىندە 77ء-سى اكىمشىلىك قۇقىقبۇزۋشىلىق ءۇشىن ءتارتىپ ساقشىلارىنا جەتكىزىلدى. كامەلەتكە تولماعانداردى بەيىمدەۋ ورتالىعىنا 8 بالا ورنالاستىرىلدى.
«كامەلەتكە تولماعانداردىڭ تۇنگى ۋاقىتتا زاڭدى وكىلدەرىنسىز ۇيدەن تىس جەرلەردە جۇرگەندىكتەرى ءۇشىن 96 اتا-انا اكىمشىلىك جاۋاپكەرشىلىككە تارتىلدى. كومپيۋتەرلىك كلۋبتاردىڭ 9 جەتەكشىسىنە قاتىستى ءىس قالالىق مامانداندىرىلعان اۋدانارالىق اكىمشىلىك سوتىنا اكىمشىلىك جاۋاپكەرشىلىككە تارتۋ ءۇشىن جىبەرىلدى. قالانىڭ ساۋدا نۇكتەلەرىندە كامەلەتكە تولماعاندارعا ىشىمدىك ونىمدەرى مەن تەمەكى بۇيىمدارىن ساتۋ بويىنشا 2 فاكتى انىقتالدى. ىشكى ىستەر ورگاندارىنىڭ ەسەبىنە 5 ءجاسوسپىرىم مەن 6 ناشار وتباسى انىقتالدى جانە تىركەلدى»، - دەپ تۇيىندەدى ءوز ءسوزىن پولكوۆنيك الىپبايەۆا.
