قالاعا قوقىستى سۇرىپتاپ جينايتىن جاشىكتەر قويىلا باستادى. العاشقىسى 5 شاعىناۋدان 8 ءۇيدىڭ جانىنا ورناتىلدى. ونىڭ ەرەكشەلىگى – پلاستيك، شىنى، قاعازدار مەن قاتتى تۇرمىستىق قالدىقتارىنا ارنالعان بولەك-بولەك بولىمدەرى بار. ءتۇرلى-تۇستى كونتەينەرلەردى "Caspi operating" ج ش س ورناتقان. بۇل تۋرالى اقتاۋ قالاسى اكىمدىگىنىڭ باسپا ءسوز قىزمەتى حابارلادى.

mangystaumedia.kz مالىمەتىنشە، كونتەينەردىڭ بالانىڭ بويى جەتەتىندەي، ىڭعايلى قوقىس سالعىشى دا بار.

-الدىمەن بۇل كونتەينەر قالاي جۇمىس جاسايتىنىن باقىلايمىز. ودان جاقسى ناتيجە بولسا، وزگە شاعىناۋداندارعا ورناتاتىن بولامىز. ءبىز سونداي-اق باياندى اۋىلىندا دا قوقىستى بولەك سۇرىپتاپ سالاتىن كونتەينەر ورناتۋعا كەلىسىمشارتقا وتىردىق. الداعى ۋاقىتتا تانىستىرىلىمى وتەتىن بولادى»، — دەيدى «Caspiy operating» ج ش س ديرەكتورىنىڭ ورىنباسارى ادىلەت ءپىرىمقۇلوۆ.

15 قاراشادا ءتۇرلى-تۇستى جاشىكتىڭ تانىستىرىلىمى وتپەك. الداعى ۋاقىتتا قالانىڭ باسقا دا اۋداندارىنا قويىلاتىن بولادى.