بۇل جونىندە وبلىس اكىمدىگى عيماراتىندا وتكەن اپپارات جيىنىندا ەكونوميكا جانە بيۋدجەتتى جوسپارلاۋ باسقارماسىنىڭ باسشىسى مارينا البەكوۆا مالىمدەدى.

2018 جىلدىڭ 9 اي ىشىندەگى الەۋمەتتىك-ەكونوميكالىق دامۋ قورىتىندىسى تۋرالى بايانداعان باسقارما باسشىسى «بيزنەستىڭ جول كارتاسى-2020» باعدارلاماسى اياسىندا جىل باسىنان بەرى قۇنى 100،0 ميلليون تەڭگە بولاتىن 61 جوبا ماقۇلدانعانىن جەتكىزدى.

سونداي-اق 2018 جىلى كاسىپكەرلىكتى قولداۋ كارتاسىنىڭ اياسىندا جالپى سوماسى 2،4 ميلليارد تەڭگەنى قۇرايتىن جانە 73 جاڭا تۇراقتى جۇمىس ورنىمەن قامتاماسىز ەتەتىن 3 جوبانى ەنگىزۋ جوسپارلانعان.

ميكرونەسيەلەۋ ۇيىمدارى مەن «دامۋ» كاسىپكەرلىكتى دامىتۋ قورىنان» اق 867،4 ميلليون تەڭگە بولاتىن 184 ميكرونەسيە بەرىلگەن. ناتيجەسىندە 270 جاڭا جۇمىس ورنى قۇرىلعان.

«ال «نۇر كاپيتال» باعدارلاماسى بويىنشا كاسىپكەرلەرگە 1% پايىزدىق ۇستەماقىمەن جىل باسىنان بەرى 192 جوبا ماقۇلدانىپ، 2،9 ميلليارد تەڭگە نەسيە بەرىلدى. بۇل باعدارلاما 1 600 جۇمىس ورنىن قۇرۋعا سەپ بولدى. جالپى وبلىس بويىنشا 28625 جاڭا جۇمىس ورنى پايدا بولدى. ولكەدەگى جۇمىسسىزدىق 4،8 پايىزدى قۇراپ وتىر»، - دەدى مارينا البەكوۆا.