ماڭعىستاۋدا تۇڭعىش رەت بوديبيلدينگتەن رەسپۋبليكالىق چەمپيونات ءوتتى. وعان ون ەكى ايماقتان 200-گە جۋىق سپورتشى قاتىستى.

رەسپۋبليكا كولەمىندەگى شاراعا ماڭعىستاۋ وبلىسى اكىمىنىڭ ورىنباسارى ماقسات سقاقوۆ قاتىسىپ، بوديبيلدينگتىڭ قولجەتىمدى سپورت ءتۇرى ەكەنىن، مۇنىمەن كاسىبي سپورتشىلارمەن قاتار باسقا سالالاردىڭ وكىلدەرى دە اينالىسا باستاعانىن جەتكىزدى.

— بوديبيلدينگ – ەستەتيكا، اسەمدىك جانە سۇلۋلىق سپورتى، — دەدى ول. — كوپشىلىك ءۇشىن بۇل سپورت ءتۇرى ءومىر سالتىنا اينالعان. بارلىق ادام سىمباتتى دەنە قالپىن قالايدى، الايدا تەك جىگەرى مەن سابىرى مىقتىلارى عانا ونىڭ ناتيجەسىنە قول جەتكىزەدى. سەبەبى بۇل سپورت ءتۇرى قاجىرلى ەڭبەكتى تالاپ ەتەدى. بۇگىندە ءبىزدىڭ بوديبيلدەرلەرىمىز تەك دەنە مۇسىنىنە عانا ەمەس، ىشكى سۇلۋلىققا دا اسا ءمان بەرەتىنى بايقالۋدا. بارلىق قاتىسۋشىلارعا تابىس، جەڭىس تىلەيمىن، - دەدى.

شارانىڭ باستى ۇيىمداستىرۋشىسى IFBB رەسپۋبليكالىق بوديبيلدينگ فەدەراسياسى مەن ماڭعىستاۋ وبلىستىق دەنە شىنىقتىرۋ جانە سپورت باسقارماسى.

— سپورتشىلاردىڭ بارلىعى جۇلدەلى ورىندارعا تالاستى، ىرىكتەۋ ءادىل ءوتتى دەپ ايتا الامىن. سەبەبى بۇل الەم جانە ازيا چەمپيوناتىنا جولداما بەرۋگە مۇمكىندىك بەرەتىن چەمپيونات. چەمپيوناتتا ەلدىڭ تۇكپىر-تۇكپىرىنەن جينالعان ەڭ مىقتى سپورتشىلارمەن قاتار، كورشى رەسەي مەن قىرعىزستان سپورتشىلارى دا قاتىستى. شارانىڭ باستى ماقساتى–سالاۋاتتى ءومىر سالتىن ناسيحاتتاۋ، تۇرعىندار اراسىندا سپورتقا دەگەن قىزىعۋشىلىقتى كوتەرۋ. سونداي-اق چەمپيونات اقتاۋ قالاسىنىڭ 55 جىلدىعىنا دا ارنالىپ وتىرعانىن ايتىپ وتكەن ورىندى بولار. بۇل شارا تەك قاتىسۋشىلار عانا ەمەس، كورەرمەندەردى دە ىنتالاندىرىپ، جاس سپورتشىلاردىڭ قاتارى كوبەيەدى دەگەن ۇمىتتەمىن، — دەپ اتاپ ءوتتى IFBB ماڭعىستاۋ وبلىسى بويىنشا وكىلى اناتوليي جدانوۆ.

قاتىسۋشىلار 66 دارەجە بويىنشا ب ا ق سىنادى. 100-دەن اسا سپورتشى قازاقستان قۇراماسىنا ءوتتى. جەڭىمپازداردى اتاپ ايتساق، ماڭعىستاۋ وبلىسىنان اكرام زاراپاتوگلى «مەنس فيزيك» ساناتى بويىنشا 2-ورىن السا، پولينا زينوۆيەۆا «فيتنەس بيكيني» اتالىمىنان 3-ورىنعا يە بولدى. ال ءتۋرنيردىڭ ەڭ كۇردەلى دارەجەسى بويىنشا سۇلتان الىبەكوۆ 4-ورىنعا تابان تىرەدى. سپورتشىلار اقشالاي جانە باعالى سىيلىقتارمەن ماراپاتتالدى.