اتىراۋ وبلىسىنىڭ اكتيۆى مەملەكەت باسشىسىنىڭ «قازاقستاندىقتاردىڭ ءال-اۋقاتىنىڭ ءوسۋى: تابىس پەن تۇرمىس ساپاسىن ارتتىرۋ» اتتى جولداۋىن تالقىلاپ، وسى باعدارلامالىق قۇجاتتى جۇزەگە اسىرۋ اياسىندا قولعا الىناتىن الداعى مىندەتتەردى بىرگە بەلگىلەۋ ءۇشىن جينالدى.

اكتيۆ جۇمىسىن باستاعان وبلىس اكىمى نۇرلان نوعايەۆ ەلباسىنىڭ بيىلعى جولداۋى حالىقتىڭ ءال-اۋقاتىنىڭ دەڭگەيىن جوعارىلاتۋعا باعىتتالعانىن اتاپ ءوتتى. جيىندا ەكسپورتقا باعىتتالعان يندۋسترياليزاسيا، يننوۆاسيالىق جانە سەرۆيستىك سەكتوردى دامىتۋ، اگروونەركاسىپتىك كەشەن الەۋەتىن پايدالانۋ ماسەلەلەرى تالقىلاندى. پرەزيدەنت جولداۋى اياسىندا ادام كاپيتالىن دامىتۋ، ياعني ءبىلىم بەرۋ، دەنساۋلىق ساقتاۋ، بۇقارالىق سپورت نىساندارىنىڭ قولجەتىمدىلىگىن ارتتىرۋ بويىنشا جاسالاتىن جۇمىستار قاتارى كوپ.

-مەملەكەت باسشىسى «بيزنەستىڭ جول كارتاسى-2020» باعدارلاماسىن 2025 جىلعا دەيىن ۇزارتۋدى تاپسىردى. بۇل تاعى دا كوپ جوبالاردى جۇزەگە اسىرۋعا، سول ارقىلى كاسىپكەرلىكتى دامىتۋعا مۇمكىندىك بەرەدى. اتالعان باعدارلاما ىسكە اسا باستاعان ۋاقىتتان بەرى، 2010-2018 جىلدار ارالىعىندا 1158 كاسىپكەر 81،3 ملرد تەڭگە كولەمىندە مەملەكەتتىك قولداۋعا يە بولدى، -دەدى نۇرلان نوعايەۆ. –بۇل 5،7 مىڭنان استام جاڭا جۇمىس ورنىنىڭ اشىلۋىنا سەپتىگىن تيگىزدى.

ايماقتاعى بيزنەس-قۇرىلىمدارمەن جالپى سوماسى 182،6 ملرد تەڭگەنىڭ ءونىمى ءوندىرىلدى. مەملەكەتتىك قولداۋ باعدارلامالارى كاسىپكەرلەرگە جاڭا ءوندىرىس ورىندارىن اشۋعا سەرپىن بەردى. ءقازىر وڭىردەگى شاعىن جانە ورتا بيزنەس سۋبەكتىلەرىنىڭ سانى 57 مىڭعا جەتتى. بيزنەستى جۇرگىزۋگە قولايلى جاعداي جاساۋ ءۇشىن وبلىس ورتالىعىندا، بارلىق اۋدانداردا كاسىپكەرلەردى قولداۋ ورتالىقتارى اشىلدى.

-مەملەكەت باسشىسى حالىقتى الاڭداتاتىن ماسەلەلەرگە جەكە-جەكە توقتالدى. ءبىرىنشى كەزەكتە تۇرعىن ۇي-كوممۋنالدىق سالاداعى تاريفتەر. اتىراۋ وبلىسى بويىنشا كوممۋنالدىق قىزمەت تاريفتەرى، سونىڭ ىشىندە ەلەكتر ەنەرگياسى، سۋ جانە كارىز قىزمەتتەرى بويىنشا بيىل ءوسۋ دەڭگەيى بولعان جوق، - دەپ اتاپ ءوتتى نۇرلان نوعايەۆ. –جولداۋدىڭ تاعى ءبىر باعىتى ەكسپورتقا باعىتتالعان يندۋسترياليزاسيا ماسەلەلەرى. وبلىستا 44 كاسىپورىن ەكسپورتقا باعىتتالعان ءونىم شىعارادى. جىل باسىنان بەرى 152،4 ملن

دوللاردىڭ تاۋارى ءوندىرىلدى. اتالعان كاسىپورىنداردىڭ بەلسەندىلىكتەرىن ارتتىرۋ بويىنشا جۇمىس جۇرگىزىپ جاتىرمىز.

وتاندىق ەكونوميكانىڭ ماڭىزدى سالاسىنىڭ ءبىرى – اۋىل شارۋاشىلىعى. پرەزيدەنت ەڭبەك ونىمدىلىگىن جانە قايتا وڭدەلگەن اۋىل شارۋاشىلىعى ءونىمىنىڭ ەكسپورتىن 2022 جىلعا 2،5 ەسە كوبەيتۋدى تاپسىردى. سوندىقتان قازىرگى زامانعى اگروتەحنولوگيانى جاپپاي تاجىريبەگە ەنگىزۋ كەرەك.

وبلىس اكىمى نۇرلان نوعايەۆ اكتيۆكە قاتىسۋشى اگرارلىق قىزمەتكەرلەرگە اۋىل شارۋاشىلىعىن جان-جاقتى دامىتۋ قاجەتتىلىگى تۋرالى ەسكەرتتى. بۇل باعىتتا ايماقتا ۇلكەن جۇمىستار ءجۇرىپ جاتىر. ءقازىر ەلەكتروندى كارتاعا 6432 ەگىستىك القاپتى قوسۋ جۇمىستارى جالعاسۋدا. اۋىل شارۋاشىلىعى ماقساتىنداعى جەتى مىڭنان استام القاپ ەلەكتروندى كارتاعا ەنگىزىلدى.

-جولداۋداعى باسىم مىندەتتەردىڭ ءبىرى - اۋىل كاسىپكەرلەرىنە شارۋاشىلىق جۇرگىزۋدىڭ جاڭا داعدىلارىن ۇيرەتۋ. جاپپاي وقىتۋ جۇيەسىن قالىپتاستىرۋ ماقساتىندا بيىل «باستاۋ بيزنەس» جوباسى بويىنشا كاسىپكەرلىك نەگىزدە وقىتۋعا جەرگىلىكتى بيۋدجەتتەن 55،9 ملن تەڭگە قاراجات ءبولىنىپ، وعان 1 325 ادام «اتامەكەن» كاسىپكەرلەر پالاتاسى ارقىلى وقىتىلۋ جوسپارلانعان، - دەدى ايماق باسشىسى.

سونىمەن قاتار، اۋىل شارۋاشىلىعىن قارجىلاندىرۋدى كوبەيتۋ جوسپاردا بار. الداعى بەس جىلدا اگروونەركاسىپ كەشەنىنە سالىناتىن ينۆەستيسيا 7،4 ملرد تەڭگەگە جەتەتىن بولادى.

جولداۋ جۇكتەگەن مىندەتتەر قاتارىندا ءداستۇرلى ەمەس ەنەرگيا كوزدەرىن ەنگىزۋ، حالىق تۇتىناتىن تاۋارلاردى شىعارۋدى دامىتۋ دا بار. جوعارعى، ورتا ءبىلىم بەرۋ بەرۋ سالالارىندا جاڭالىقتار كۇتىلۋدە.

-بيىل ءبىلىم بەرۋ سالاسىن دامىتۋعا 62،2 ملرد تەڭگە ءبولىندى. بۇل قاراجات ءبىلىم بەرۋدىڭ ساپاسى مەن قولجەتىمدىلىگىن ارتتىرۋعا تىكەلەي ىقپال ەتەدى، - دەدى نۇرلان نوعايەۆ.

ءومىر سۇرۋگە جايلى ورتا قالىپتاستىرۋ باعىتىندا ەلىمىزدە «7-20-25» باعدارلاماسى قولعا الىنا باستادى. ول قازاقستاندىقتارعا تۇرعىن ءۇي يپوتەكاسىن الۋ مۇمكىندىگىن ارتتىرۋعا ارنالعان. مەملەكەت باسشىسى اكىمدەرگە جەرگىلىكتى بيۋدجەتتەن جەڭىلدەتىلگەن يپوتەكا بويىنشا باستاپقى تولەمدى ءىشىنارا سۋبسيديالاۋدى، ءىرى قالالاردا جالدامالى تۇرعىن ءۇي قۇرىلىسىن كوبەيتۋدى تاپسىردى. اتىراۋ وبلىسىندا وسى ماسەلەنى شەشۋ ءۇشىن تۇرعىن ءۇي الۋعا الەۋمەتتىك قولداۋدىڭ ەكى نۇسقاسى قارالىپ جاتىر – 1

ملن تەڭگە كولەمىندەگى الەۋمەتتىك كومەك جانە 15 جىلعا پروسەنتسىز قارىز بەرۋ.

اكتيۆ بارىسىندا اۋماقتىق دامۋ، پوليسيا قىزمەتىنىڭ جۇمىسىن وڭتايلاندىرۋ تۋرالى دا ايتىلدى. جالپى اكتيۆكە قاتىسۋشىلار پرەزيدەنتتىڭ قازاقستان حالقىنا جولداۋىندا ايقىندالعان مىندەتتەردىڭ ماڭىزدىلىعىنا توقتالىپ، ولاردى جۇزەگە اسىرۋعا دايىن ەكەندەرىن جەتكىزدى. جيىنعا قاتىسۋشىلار مەملەكەت باسشىسىنىڭ كەزەكتى جولداۋىنىڭ ۋاقىتىلى ءارى ماڭىزدى ەكەنىن ايتىپ، اتىراۋلىقتاردىڭ ەل دامۋىنداعى ەرەكشە قۇجاتتى جۇزەگە اسىرۋعا ۇلەس قوساتىندارىن اتاپ ءوتتى.