تاۋ-كەن كومپانيالارىنىڭ ۇجىمدارىمەن كەزدەسۋدى اشقان وبلىس اكىمى بەردىبەك ساپاربايەۆ وڭىردەگى ونەركاسىپتىڭ دامۋى جايىندا باياندادى. توعىز ايدىڭ قورىتىندىسى بويىنشا ەكونوميكانىڭ اتالمىش سالاسى 5،7% وسكەن، 1،3 تريلليون تەڭگەدەن استام سوماعا ءونىم ءوندىرىلدى. قولدانىستاعى كاسىپورىنداردىڭ وڭ ديناميكاسى جاڭا ءوندىرىس، جۇكتەمە، جاڭعىرۋ جانە سيفرلاندىرۋ ەسەبىنەن قامتاماسىز ەتىلگەن.

* باستى مىندەت – ەكونوميكا ءوسىمىنىڭ قارقىنىن 5 پايىزدىق دەڭگەيدە قامتاماسىز ەتۋ. بولجامدارعا سايكەس، جىل سوڭىنا دەيىن ەلباسىنىڭ بۇل تاپسىرماسى ورىندالاتىن بولادى. الەۋمەتتىك دامۋ – پرەزيدەنت ساياساتىنىڭ نەگىزگى باسىمدىقتارىنىڭ ءبىرى، بۇل سوڭعى كەزەكتى جولداۋدا تاعى دا دالەل. ەلباسى تاپسىرماسىمەن 2019 جىلعى 1 قاڭتاردان باستاپ ەڭ تومەنگى ەڭبەكاقىنى 1،5 ەسە – 28 مىڭنان 42 مىڭعا كوتەرۋ جوسپارلانۋدا. اقتوبە وبلىسىندا 35 مىڭ ادامنىڭ ەڭبەكاقىسى وسەدى. ۋچاسكەلىك دارىگەرلەر مەن مەدبيكەلەرگە ۇستەمەاقى قوسىلىپ، تاربيەشىلەر مەن بالاباقشا قىزمەتكەرلەرىنىڭ، مەملەكەتتىك قىزمەتكەرلەردىڭ ەڭبەكاقىسى وسەدى دەپ كۇتىلۋدە،-دەدى بەردىبەك ساپاربايەۆ.

* مەملەكەت باسشىسى جولداۋىندا ۇكىمەت الدىنا ءبىرقاتار مىندەتتەر قويدى. نەگىزگى ماقسات – بارشا قازاقستاندىقتىڭ ءومىر ءسۇرۋ ساپاسىن جاقسارتۋ. ءبىزدىڭ مينيسترلىك كوپجوسپارلى جانە بىزگە ءۇش بازالىق مەملەكەتتىك باعدارلامالار – يندۋستريالاندىرۋ، تۇرعىن ءۇي قۇرىلىسى، ينفراقۇرىلىمدى جۇزەگە اسىرۋعا ناقتى تاپسىرمالار بەرىلدى، - دەدى جەڭىس قاسىمبەك.

ونىڭ سوزىنشە، بىلتىر قازاقستان بويىنشا تۇرعىن ءۇيدى پايدالانۋعا بەرۋ كولەمى 11 ملن شارشى مەتردەن اسىپ، 100 مىڭنان اسا وتباسى جاڭا باسپانالى بولدى. بيىل ەلىمىزدە 12 ملن شارشى مەترگە جۋىق تۇرعىن ءۇي پايدالانۋعا بەرىلمەك، بۇل قاراعاندىنىڭ نەمەسە پاۆلوداردىڭ تۇرعىن ءۇي قورىنا تەڭ، ياعني قازاقستان جىل سايىن ءبىر ۇلكەن قالا سالادى.

* اقتوبە وبلىسى تۇرعىن ءۇي قۇرىلىسىنىڭ كولەمى جاعىنان قاشاندا كوشباسشىلار بەستىگىندە. سوندىقتان مينيسترلىك وبلىس اكىمدىگىنىڭ بارلىق باستامالارىن قولداۋعا ءازىر. ءبىز كەلەسى جىلى وبلىستا قۇرىلىس كولەمىن ارتتىرا الاتىنىمىزدى كورىپ تۇرمىز. ويتكەنى تۇرعىن ءۇي باعدارلامالارىنا ءبىز بولگەن ءاربىر تەڭگە قۇرىلىستىڭ ناقتى كولەمىن تابادى جانە ناقتى ازامات ءوز جاعدايىن جاقسارتادى،-دەپ اتاپ ءوتتى مينيستر.

ول يندۋستريالىق دامۋ جايىندا ايتا كەلە قازىرگى تاڭدا ونەركاسىپتى قولداۋ جانە دامىتۋ بويىنشا قابىلدانىپ جاتقان شارالاردىڭ وڭدەلگەن ەكسپورت كولەمىن 2022 جىلعا قاراي 1،5 ەسە،

ەكسپورتتاۋشى كاسىپورىندار سانىن 300-دەن 450-گە دەيىن ۇلعايتۋعا مۇمكىندىك بەرەتىنىن اتاپ ءوتتى.

«اقتوبە وبلىسى قازاقستاننىڭ نەعۇرلىم دامىعان يندۋستريالىق وبلىستارىنىڭ ءبىرى بولىپ تابىلادى. ماسەلەن ءونىمدى ەكسپورتتاۋ جاعىنان قازاقستان بويىنشا ەكىنشى ورىندا. دۇنيە جۇزىندەگى جاعداي وزگەرەدى. سوندىقتان، ءبىز ەكسپورتقا باعدارلانعان كاسىپورىندارعا قولداي قولداۋ كورسەتۋ تارتىبىنە كوشەمىز. مەملەكەت باسشىسىنىڭ تاپسىرماسىمەن ەكسپورتقا باعدارلانعان كاسىپورىندارعا 500 ملرد تەڭگە بولىنۋدە. ونىڭ ىشىندە 100 ملرد تەڭگە «دامۋ» قۇرالدارى ارقىلى شاعىن جانە ورتا بيزنەستى قولداۋعا كەتەدى. قالعانى قازاقستاننىڭ دامۋ بانكى ارقىلى. ءوز تاراپىمنان، مينيسترلىك پرەزيدەنتتىڭ ەل ازاماتتارىنىڭ ءال-اۋقاتىن ارتتىرۋ بويىنشا قويعان بارلىق تاپسىرمالارىن جۇزەگە اسىرۋ ءۇشىن بارىنشا كۇش جۇمسايتىنىنا سەندىرگىم كەلەدى،-دەدى ءسوزىن تۇيىندەگەن مينيستر.

جەڭىس قاسىمبەك جۇمىس ساپارى اياسىندا سونداي-اق، قۇرىلىس كومپانيالارىنىڭ ۇجىمدارىمەن جانە حرومتاۋ قالاسىنداعى «ۆوسحود - ORIEL» ج ش س ۇجىمىمەن كەزدەستى.

ول بۇدان باسقا، جولداردى سالۋ جانە قايتا سالۋ بويىنشا ءىرى جوبالاردىڭ، «7-20-25» جانە «نۇرلى جەر» مەملەكەتتىك باعدارلامالارىنىڭ جۇزەگە اسىرىلۋىمەن، ا سىنىپتى كولىكتىك-لوگيستيكالىق ورتالىقتىڭ قۇرىلىسىمەن تانىسىپ، مۇز سارايى مەن تەننيس ورتالىعىندا بولدى.