بۇل تۋرالى وڭىرلىك كوممۋنيكاسيالار قىزمەتىندە وتكەن باسپا ءسوز كونفەرەنسياسىندا «MediaPRO» بالالار پروديۋسەرلىك ورتالىعىنىڭ باسشىسى جانارگۇل دوسوۆا حابارلادى.
اقتوبە وبلىسىندا العاش رەت جاس جانە كاسىبي اكتەرلەردىڭ قاتىسۋىمەن بالالارعا ارنالعان تولىق مەتراجدى فيلم ءتۇسىرىلدى. «جاسا» ءفيلمىنىڭ رەجيسسەرلارى قانات ايتبايەۆ پەن مەيرام حابيدوللا. اتالمىش جوباعا اكىم الىشەر، گاۋحار الىبەك قىزى، جۇلدىز ەلۋباي، قانات مۇساعۇلوۆ سەكىلدى جاس اكتەرلەر مەن روزا بالعالي قىزى، كەڭەس كەمەلبايەۆ، دينارا ەسپايەۆا جانە داۋرەن بالاپانوۆ سياقتى كاسىبي اكتەرلەر قاتىستى.
* بۇل جوبا بالالار فيلمدەرىن شىعارۋ پروسەسىن ىنتالاندىرۋ ماقساتىندا شىعارماشىلىق تۇلعانىڭ ءوزىن-وزى كورسەتۋى مەن قاتار، ادامگەرشىلىك، رۋحاني جانە وتباسىلىق قۇندىلىقتاردى ناسيحاتتاۋ سونىمەن قاتار، ءوڭىردىڭ بالالارى مەن جاستارىنىڭ الەۋمەتتىك جانە شىعارماشىلىق تۇرعىدان ءوزىن-وزى قالىپتاستىرۋىنا جاردەمدەسۋ ءۇشىن ىسكە اسىرىلدى، - دەيدى جوبانىڭ باسشىسى جانارگۇل دوسوۆا.
ايتا كەتەيىك، بالالارعا ارنالعان مۋزىكالىق فيلم وتباسىلىق مەلودراما جانرىندا تۇسىرىلگەن. فيلمدە وتباسىن اجىراسۋدان امان الىپ قالۋ ءۇشىن بارلىق شارالاردى قولداناتىن 13 جاسار جاسار اتتى بالا تۋرالى ايتىلادى.
