بۇل تۋرالى وڭىرلىك كوممۋنيكاسيالار قىزمەتىندە وتكەن باسپا ءسوز كونفەرەنسياسىندا اقتوبە وبلىسى ءىىد كوشى-قون قىزمەتى باسقارماسىنىڭ سىرتقى كوشى-قون ءبولىمىنىڭ باستىعى ولبيكە ۋسپانوۆا حابارلادى.
ونىڭ ايتۋىنشا، وبلىس اۋماعىندا تۇراقتى تۇردە 7 مىڭعا جۋىق الىس جانە جاقىن شەتەل ازاماتتارى تۇرادى.
* 9 اي ىشىندە اقتوبە وبلىسىنا 36 مىڭنان استام شەتەلدىكتەر كەلىپ، تىركەلدى. ازاماتتاردىڭ باسىم كوپشىلىگى وزبەكستان، رەسەي، ءازىربايجان، تاجىكستان جانە قىرعىزستاننان كەلگەن. 1775 شەتەل ازاماتى اكىمشىلىك جاۋاپكەرشىلىككە تارتىلدى، 476 شەتەلدىك ەلدەن شىعارىلدى، ال قر-نا شەتەلدىكتەردى الىپ كەلۋدەگى ەرەجەنى بۇزعاندارى ءۇشىن 239 قازاقستاندىق جاۋاپكەرشىلىككە تارتىلسا، زاڭسىز ەڭبەك قىزمەتىن جۇزەگە اسىرعان 687 شەتەلدىك، سونىمەن قاتار، شەتەلدىك جۇمىس كۇشىن زاڭسىز تارتقانى ءۇشىن 102 جۇمىس بەرۋشىلەر جاۋاپكەرشىلىككە تارتىلدى، - دەدى ولبيكە ۋسپانوۆا.
بۇگىندە 325 شەتەلدىكتەر قازاقستان ازاماتتىعىن قابىلدادى. وڭىرگە 402 شەتەل ازاماتى تۇراقتى تۇرۋعا كەلسە، ال قر-نىڭ 1400 ازاماتى باسقا مەملەكەتتەرگە تۇراقتى قونىستانۋ ماقساتىندا كوشىپ كەتكەن. جالپى، جىل باسىنان بەرى شەتەلدىكتەرگە 17 ءتۇرلى 303 مىڭنان استام مەملەكەتتىك قىزمەت تۇرلەرى كورسەتىلدى. ەل اۋماعىنا كەلگەن شەتەلدىكتەرگە مەملەكەتتىك قىزمەت كورسەتۋدى جاقسارتۋ، ولارعا قولايلى جاعداي جاساۋمەن قاتار، قىزمەت كورسەتۋ مەرزىمىن 5 كۇننەن 1 ساعاتقا دەيىن قىسقارتۋ ماقساتىندا اقتوبەدە كوشى-قون ورتالىعى اشىلدى. ورتالىق سىبايلاس جەمقورلىقتى بولدىرماۋ جانە قىزمەت بەرۋشى مەن قىزمەت الۋشىلار اراسىنداعى بايلانىستاردى توقتاتۋ ءۇشىن «ءبىر تەرەزە» قاعيداتى بويىنشا جۇمىس جاسايدى. شەتەلدىكتەرگە كۇن سايىن 10 ءتۇرلى 200-گە جۋىق مەملەكەتتىك قىزمەت كورسەتىلەدى. سونىڭ ىشىندە، ولارعا قر-دا تۇراقتى تۇرۋعا رۇقسات بەرۋ قۇجاتتارىن رەسىمدەۋگە، الىس جانە جاقىن مەملەكەتتەردەن كەلگەن ازاماتتاردى ۋاقىتشا تىركەۋدى رەسىمدەۋ مەن ەڭبەك يمميگرانتتارىنا ۋاقىتشا جانە تۇراقتى رۇقسات بەرۋدى رەسىمدەۋگە، سونداي-اق ت.ب جۇمىستار بويىنشا قىزمەت كورسەتىلەدى.
