اقتوبە وبلىسىنىڭ اكىمى بەردىبەك ساپاربايەۆتىڭ توراعالىعىمەن وتكەن جيىندا جىلىتۋ ماۋسىمىنا دايىندىق جۇمىستارىنىڭ وزەكتى سۇراقتارى قارالدى.

ەنەرگەتيكا جانە تكش باسقارماسىنىڭ باسشىسى داستان امانوۆ بايانداعانداي، دايىندىق جۇمىستارى اياسىندا بيىل وبلىس بويىنشا 586 قازاندىق، 238،9 شاقىرىمدىق جىلۋ جەلىلەرى، 482،3 شاقىرىمدىق سۋمەن جابدىقتاۋ جانە سۋ تارتۋ جەلىلەرى، 272،9 شاقىرىمدىق ەلەكترمەن جابدىقتاۋ جەلىلەرى، 1 590 الەۋمەتتىك نىسان مەن 2،5 مىڭنان اسا كوپپاتەرلى تۇرعىن ۇيلەر جوندەلگەن.

- وتىن قورىنا كەلەر بولساق، بارلىق الەۋمەتتىك نىسانداردىڭ اۆتونومدى قازاندىقتارى كومىرمەن تولىقتاي قامتاماسىز ەتىلدى. وبلىس حالقىنىڭ كومىرگە دەگەن قاجەتتىلىگى 40 880 توننانى قۇرايدى. بۇگىندە وسى كولەمنىڭ ۇشتەن ءبىرى ءىس جۇزىندە جەتكىزىلدى، -دەپ مالىمدەدى داستان امانوۆ.

سونداي-اق، كوممۋنالدى كاسىپورىنداردىڭ باسشىلارى مەن اۋدان اكىمدەرى دە بەينەبايلانىس ارقىلى قىسقا دايىن ەكەندەرىن جەتكىزدى.

بەردىبەك ساپاربايەۆ كومىر جەتكىزۋدى بارىنشا جىلدامداتىپ، قاتتى وتىننىڭ كەم دەگەندە ايلىق قورىن قامتاماسىز ەتۋدى تاپسىردى.

- 15 قازانعا قاراي بارلىق نىساندار مەن قىزمەت كورسەتۋ ورىندارى جىلۋ بەرۋگە تولىقتاي دايىن بولۋلارى كەرەك. سونداي-اق، وسىندا وتىرعان مونوپوليس كومپانيالاردىڭ وكىلدەرىنە ايتارىم: ەلباسىنىڭ تاپسىرماسى بار – وزدەرىنىڭ ينۆەستيسيالىق مىندەتتەرىن تاريفكە قوساتىنداردان سۇرانىس قاتتى بولادى. ءوز مىندەتتەرىڭىزگە الدىڭىزدار ما – تۇتىنۋشىلارعا ىسىرماي، وزدەرىڭىز ورىنداڭىزدار، - دەپ اتاپ ءوتتى وبلىس اكىمى.

جالپى، اقتوبە وبلىسىندا جىلىتۋ ماۋسىمىنا دايىندىق جۇمىستارى شتاتتىق تارتىپتە وتۋدە.