اقتوبە وبلىسىندا جىلۋ بەرۋ ماۋسىمىنىڭ باستالۋى ءوڭىر باسشىسى بەردىبەك ساپاربايەۆتىڭ ەرەكشە باقىلاۋىندا.
11 قازان، بەيسەنبى كۇنى وبلىس اكىمى اقتوبە قالاسىن جۇمىس بابىمەن ارالاعان كەزىندە «نۇر اقتوبە» تۇرعىن ءۇي الابىنداعى تىرشىلىكتى قامتاماسىز ەتۋ نىساندارىنىڭ قىزمەتىن تەكسەردى. مۇندا بەردىبەك ساپاربايەۆ ورتالىق قازاندىق پەن قوسىمشا 96 گكال جىلۋ ءوندىرۋ ءۇشىن ونى كەڭەيتۋ بويىنشا قۇرىلىس جۇمىستارىنىڭ بارىسىمەن تانىستى.
قازاندىق كەڭەيتىلگەن سوڭ ونىڭ جالپى قۋاتتىلىعى 156 گكال-گە دەيىن وسپەك، بۇل «نۇر اقتوبەنىڭ» قازىرگى تۇتىنۋ دەڭگەيىنەن اسادى. قۇنى 1،6 ملرد. تەڭگە تۇراتىن جوبانى جۇزەگە اسىرۋ جۇمىستارى وتكەن جىلدىڭ قاراشا ايىندا باستالدى. ونىڭ قاجەتتىلىگى تۇرعىن ءۇي الابىنىڭ دامۋىنا جانە تۇرعىندار سانىنىڭ ارتۋىنا نەگىزدەلگەن. وبلىس اكىمى «كازتەپلوەنەرگومونتاج» تس مەردىگەر مەكەمەسىنىڭ باسشىسى الماس ىسماعۇلوۆپەن اڭگىمەلەسۋ كەزىندە جاڭا قازاندىقتى وسى جىلعى 15 قاراشاعا دەيىن پايدالانۋعا بەرۋدى تاپسىردى.
- اقتوبەلىكتەردە جىلۋمەن پروبلەما بولماۋى كەرەك، - دەپ اتاپ ءوتتى بەردىبەك ساپاربايەۆ قالا باسشىلىعى مەن كوممۋنالدىق كاسىپورىندار وكىلدەرىنە قاراتا ايتقان سوزىندە.
سونداي-اق، وبلىس باسشىسى «ۆوستوچنايا» جانە «اقجار-2» قوسالقى بەكەتتەرىنىڭ كەڭەيتۋ جانە قۇرىلىس جۇمىستارىمەن تانىستى. جوبالاردى جۇزەگە اسىرۋ سەنىمدىلىكتى ارتتىرىپ، «نۇر اقتوبە» تۇرعىن ءۇي الابى تۇرعىندارىن ۇزدىكسىز ەنەرگيامەن جابدىقتاۋدى قامتاماسىز ەتەدى. بۇدان باسقا، بەردىبەك ساپاربايەۆ اقتوبەدە تۇڭعىش رەت سالىنىپ جاتقان مۇمكىندىگى شەكتەۋلى جاندارعا ارنالعان جەدەلساتىسى بار جەراستى جاياۋ جۇرگىنشىلەر جولىن قاراپ شىقتى. ولار قالانىڭ ەڭ ۇلكەن كولىك ارتەريالارىنىڭ ءبىرى - ءا.مولداعۇلوۆا داڭعىلى بويىنداعى «دسك» جانە «ءاليا» اۆتوبۋس ايالدامالارىنىڭ جانىندا ورنالاسقان. اتالمىش نىسانداردى سالۋ قاجەتتىلىگى ينتەنسيۆتى كولىك قوزعالىسى سالدارىنان تۋعان. ويتكەنى داڭعىلدىڭ كولىك جۇرەتىن جولدارى - التى جولاقتى. ءاربىر كوپىردىڭ ۇزىندىعى 32 مەتر، بيىكتىگى – 6 مەتر. عيمارات ءىشى جاياۋجول تاقتالارىمەن جابىلىپ، اينەكتى پوليكاربونات قورشاۋمەن جابىلعان جانە قوزعالىس اسەرىنەن جاناتىن اقىلدى جارىقتاندىرۋ جۇيەسى ورناتىلعان. ەكى نىساننىڭ دا قۇرىلىسى اياقتالىپ قالدى،
قۇرىلىسشىلار مەتالل قۇراستىرىلىمداردى بوياۋ جۇمىستارىنا كوشتى.
بۇگىن وبلىس اكىمى تۇڭعىش «باسپا ءسوز ۇيىندە» دە بولدى. بۇل ءىشى كەڭ، كۇردەلى جوندەۋ جۇمىستارى جۇرگىزىلگەن ءۇشقاباتتى عيمارات. ىشىندە باسپاحانا، وبلىستىق گازەتتەر مەن جۋرنالداردىڭ ۇجىمى، باسپا ءسوز ورتالىعى ورنالاسقان. «اتامەكەن» كاسىپكەرلەر پالاتاسىمەن بىرگە عيمارات ىشىنە قالاداعى شاعىن جانە ورتا بيزنەستى دامىتۋ ءۇشىن بيزنەس-ينكۋباتوردى ورنالاستىرۋ جوسپارلانىپ وتىر. بەردىبەك ساپاربايەۆ جۇمىس كابينەتتەرىن، قوسالقى جانە تەحنيكالىق بولمەلەردى قاراپ شىعىپ، باسپا ءسوز مۇراجايىن اشۋ جوسپارىمەن، جاقىن ماڭداعى اۋماقتاردى، سونىڭ ىشىندە جۋرناليستەر اللەياسىن اباتتاندىرۋ جۇمىستارىمەن تانىستى.
