بۇل تۋرالى وڭىرلىك كوممۋنيكاسيالار قىزمەتىندە وتكەن باسپا ءسوز كونفەرەنسياسىندا وبلىستىق جاستار ساياساتى ماسەلەلەرى باسقارماسىنىڭ باسشىسى نۇرلان كۇنتۋوۆ مالىمدەدى.
"مەملەكەت باسشىسى "قازاقستاندىقتاردىڭ ءال-اۋقاتىنىڭ ءوسۋى: تابىس پەن ءومىر ءسۇرۋ ساپاسىنىڭ ارتۋى" اتتى جولداۋىندا سپورت عيماراتتارىن، اسىرەسە ولاردى وقۋ ورىندارىندا ءتيىمدى پايدالانۋ بويىنشا ءبىزدىڭ الدىمىزعا مىندەتتەر قويدى. پرەزيدەنتتىڭ تاپسىرماسىن ورىنداۋ ماقساتىندا 12 قازان مەن 9 قاراشا ارالىعىندا "ستۋدەنتتىك ليگا" وتكىزىلەدى. جارىس مارات وسپانوۆ اتىنداعى ءبقممۋ-نىڭ بازاسىندا وتەدى"،-دەدى نۇرلان كۇنتۋوۆ.
ونىڭ ايتۋىنشا، "ستۋدەنتتىك ليگا" ايماق اراسىندا جوو-نىڭ ىنتىماقتاستىعىن نىعايتۋ، جاستار اراسىندا سالاۋاتتى ءومىر سالتىن ناسيحاتتاۋ، سونىمەن قاتار ولاردى ۇيىمشىلدىققا، كوماندالىق قارىم-قاتىناسقا تارتۋ جانە جاستاردىڭ سپورتتىق-بۇقارالىق ويىندارعا دەگەن قىزىعۋشىلىقتارىن ارتتىرۋ، سونداي-اق قۇقىق بۇزۋشىلىقتىڭ الدىن الۋ ماقساتىندا وتكىزىلەدى.
جارىس شاحمات، ۇستەل تەننيسى، توعىزقۇمالاق، ۆولەيبول جانە باسكەتبول سەكىلدى سپورتتىڭ بەس تۇرىنەن وتەتىن بولادى. وعان جوو-نان 200 ستۋدەنت قاتىسادى.
ايتا كەتەيىك، اقتوبەدە 24 مىڭ ستۋدەنت وقيتىن 6 جوعارى وقۋ ورنى جۇمىس جاسايدى.
